Bloggfærslur mánaðarins, febrúar 2008
8.2.2008 | 18:28
FRAMSÓKN TIL FRAMTÍÐAR
Guðni Ágústson formaður skrifar meðal annars eftirfarandi í 6.tbl fréttabréfs Framsóknar og kemst hann vel að orði eins og svo oft áður.
7.2.2008 | 16:12
Borg ótta og ofankomu
Halló halló er allt að verða vitlaust eða hvað? Það snjóar í höfuðstaðnum og samfélagið ætlar allt á annan endann, ég vona að þeir fari nú að læra eitthvað sem enn aka um á sumardekkjum og eins þeir sem stíga bensíngjöfina í botn og bíta á jaxlinn.
Það er nefnilega með svo marga sem lenda í því að komast ekki leiðar sinnar vegna ófærðar að þeir standa drusluna eins og þeir eigi lífið að leysa.
Bara smá ráð gefa inn afar varlega og ekki að spóla.
Og svo þetta sjá fyrirsögn hvað gengur fólki til maður bara spyr?
Ætla yfir þrátt fyrir lokun
Vegagerðin hefur gert tilraunir til að opna Þrengslaveg, en hann hefur orðið ófær jafnharðan. Lögreglan á Selfossi beinir þeim eindregnu tilmælum til ökumanna að þeir sýni biðlund og virði lokunina.
6.2.2008 | 17:32
Konur eru klárar karlar eru einfaldir????
Sá þetta á skrifstofu hjá góðri vinkonu minni sem er mikill femínisti
Konur hafa ótal galla
Karlar bara tvo
Allt sem þeir segja og allt sem þeir gera.
Ég hef velt þessu fyrir mér ef þetta væri uppá vegg í skrifstofu karlamanns og þá með öfugum formerkjum þá væri allt vitlaust eða hvað?
Í huga minn kemur stundum upp það atvik úr Hellisbúanum þar sem hann fær salinn til að segja í einum kór karlmenn eru aumingjar karlmenn eru aumingjar og hvað gerist það tóku allir undir og fannst þetta sjálfsagt, en ef hann hefði beðið alla að segja konur eru aumingjar þá hefði nú komið annað hljóð í salinn.
Það er nefnilega svo með okkur karlmenn að við erum að mínu mati mun umburðalyndari gagnvart þessari sjálfgagnrýni og getum frekar gert grín af okkur.
Tökum dæmi þættir eins og According to Jim þá er það miðaldra karl í þykkari kantinum og konan (gella) sem eru alltaf í innbyrðis deilum.
Og hvaða mynd er dregin upp af karlinum jú hann og mágur hans sem er feitari þeir eru svo einfaldir og halda að þeir ráði einhverju en konan (gellan) hún er svo klók og gáfuð og ræður öllu að lokum.
Það er þetta sem truflar mig þ.e.a.s. sú ímynd sem dregin er upp af karlmönnum er frekar neikvæð eða hvað, er þetta svona í raun? Kannski í USA hver veit.
Jú ég man eftir einni íslenskri auglýsingu karl setur í þvottavél og svo kemur kærastan til hans byrjar að strjúka hann á tröppunum og ríkur svo í burtu hvað var þetta?
Hann kunni ekki að setja í þvottavél daaaaaa af því hún var ekki með íslenskum leiðbeiningum ef ég man rétt.
6.2.2008 | 09:04
Jordan er óánægð með brjóstin/daaa
Gúrkutíð í fjölmiðlum..............
En ég segi nú bara ja hérna aumingja stúlkan hún sem var svo brjóstgóð.
Glamúrmódelinu Jordan finnst brjóst sín allt of stór, þrátt fyrir að hún hafi látið minnka þau í desember síðastliðnum. Jordan, sem réttu nafni heitir Katie Price, hafði ætlað að fara úr stærð 32G niður í 32C. Þegar bólgan hjaðnaði og marið hvarf kom hinsvegar í ljós að þau voru enn í stærð 32F.
Price segir í viðtali við the Sun að hún sé hundóánægð með brjóstin. Þau séu allt of stór og hangi of langt niður þegar hún stendur. Fjölskylda og vinir hafi skoðað þau og verið sammála. Hún ætlar því að fljúga aftur til Bandaríkjanna og leggjast aftur undir hnífinn.
En þó skipt hafi verið um fyllingar í brjóstunum ætlar hún ekkert að henda þeim gömlu. Hún og eiginmaðurinn, Peter Andre, geyma þær í peningaskáp á heimili sínu. Ástæða þess mun fyrst og fremst vera fjárhagsleg. Hjónakornin ætla að selja þær fyrir milljón pund, og gefa tíu prósent ágóðans til góðgerðarmála.
Já það mættu margir taka hana sér til fyrirmyndar ekkert smá brjóstgóð.
5.2.2008 | 18:15
VODAFONE bara góðir :)
Eins og sést hérna á blogginu mínu þá var ég að tala um nýjan sendi hjá Vodafone sem gerir það að verkum að gsm samband er komið á við Almenningana.
þetta er svæði sem mörgum hverjum finnst alveg hrikalegt yfirferðar og ætla ég ekki að gera lítið úr því, það er mikið atriði að koma á sambandi á þessari leið og eiga þeir Vodafone menn þakkir skyldar, en það er nú svo með Símann að eftir að það "bákn" var einkavætt þá hefur þjónustan alveg steinlegið á landsbyggðinni.
Ég fékk email frá Hrannari Péturssyni upplýsingafulltrúa fyrirtækisins og sýnir þetta manni bara hversu vakandi þetta fyrirtæki er fyrir markaðnum og viðskiptavinunum, mættu mörg önnur fyrirtæki á hinum frjálsa markaði taka þá sér til fyrirmyndar.
Ég hvet Vodafone og þeirra starfsfólk til áframhaldandi starfa á þessum nótum.
4.2.2008 | 13:58
Háir hælar ekki bara flottir heldur bæta að auki kynlífið
Tekið af eyjan.is
Að langir kvenleggir og háir hælar fangi athygli karlmanna er nákvæmlega engin frétt. En að háu hælarnir séu beinlínis góðir fyrir kynlífið er vissulega frétt.
Og því er einmitt haldið fram af ítölskum lækni að grindarbotnsvöðvarnir styrkist þegar konur ganga á háum hælum - sem sé svo aftur bót fyrir kynlífið.
Maria Cerutti, vísindamaður við háskólann í Verona, gerði tilraunir með að þetta.
Hún mældi spennuna í grindarbotnsvöðvum tilraunakvennanna með fæturna í mismunandi stellingum.
Þegar fóturinn er boginn þannig að hann myndar vinkil upp á 15 gráður, sem samsvarar sjö sentimetra háum hæl, eru grindarbotnsvöðvarnir spenntir þannig að besta er að æfa þá, segir Maria.
Jahá þetta eru gagnlega upplýsingar eða hvað?
4.2.2008 | 12:22
LOKSINS GSM SAMBAND
Vodafone sem sér um uppsetningu senda fyrir svokallað GSM 2 útboð lofaði mér að tengja Almenningana sem fyrst og nú eru mér að berast fréttir af því að þeir séu búnir að setja upp fyrstu sendana sem m.a. eiga að þjóna svæðinu á Almenningunum, en sá galli er á að þetta virkar bara fyrir þá sem eru í viðskiptum við Vodafone, þar sem Síminn er ekki búinn að semja við Vodafone um svokallað reiki samband á þessum sendum.
Tekið af heimasíðu www.sksiglo.is þetta er mikið framfara skref fyrir okkur Siglfirðinga og alla þá sem ferðast um þetta svæði.
Ég sagði upp þjónustu minni við Símann þegar þeir lögðu niður öll störf á Siglufirði og þarf af leiðandi lækkun á þjónustustigi. Gerði ég samning við Vodafone og skráði mig í Og1 það er eitthvað sem ég get mælt með, verðið og þjónustan eins og best gerist skora á ykkur að skoða heimasíðu www.vodafone.is
3.2.2008 | 16:59
Álver á Bakka
Ég fékk í pósti á dögunum bækling frá Norðurþing og ber hann yfirskriftina
Framsækið Samfélag með álver á Bakka.
Bæklingur þessi vakti athygli mína fyrir margra hluta sakir, meðal annars þær upplýsingar og staðreyndir um fækkun starfa þarna kemur þetta fram svart á hvítu.
"það hefur verið gríðarlegur samdráttur á Norðausturlandi síðustu ár, einkanlega í fiskvinnslu og landbúnaði og því þarf að snúa við. Hér eru veruleg tækifæri fólgin í jarðhitanum sem nú er ónýtt auðlind, engum til gagns. Það er bæði sjálfsagt og eðlilegt að nýta jarðhitann til heilla fyrir íbúa og uppbyggingu á svæðinu. Verði orkan ekki nýtt og íbúum Norðausturlands tryggð örugg vinna með álveri á Bakka munum við ekki búa við óbreytt ástand í framtíðinni, heldur mun þróunin halda áfram, íbúum fækkar, fyrirtæki hætta starfsemi og áframhaldandi búseta á svæðinu verður sífellt erfiðari fyrir þá sem þar búa." Helgi Kristjánsson, iðnrekandi á Húsavík
Segir þetta ekki allt sem segja þarf? Ég var á sínum tíma fylgjandi því að álver yrði reist á Dysnesi við Eyjafjörð en það fórn eins og það fór. Ég styð íbúa Norðurþings í þessari framkvæmd hún mun hafa mikil áhrif á uppbyggingu svæðisins og eining ákveðin ruðningsáhrif fyrir Eyjafjarðarsvæðið.
það þurfa að verða áherslubreytingar í atvinnu uppbyggingu mjög víða á landsbyggðinni, ég ætla ekki að leggja að jöfnu þau áhrif sem ákvörðun HB Granda hefur á atvinnulífið á Akranesi og þau áhrif sem ákvörðun SVN hefur fyrir Siglufjörð þessu er ekki saman að jafna, bara landfræðilega séð fyrir utan allt annað, ekki má skilja þessi orð mín þannig að ég sé hlynntur ákvörðun HB Granda það er af og frá.
Stjórnmál og samfélag | Breytt s.d. kl. 17:00 | Slóð | Facebook | Athugasemdir (0)
2.2.2008 | 13:59
KIWANIS
Ég var með fundarefni hjá Kiwanis klúbbnum Skildi í gærkvöldi og var fundarefni Búsetu íbúðir í Siglufirði. Það er skemmst frá því að segja að fundurinn var mjög skemmtilegur og umræður mjög málefnalegar. það er gaman að vera á fundum með Kiwanisfélögum fundarsköp eru góð og maturinn klikkar ekki.
En mér var boðið uppá drykk þegar ég kom og síðan komu "skotin" en það er hluti af þessu öllu saman er Bingi að fara að vinna í Herragarðinum eða ertu með hnífa í bakinu og svo framvegis þetta er bara gaman og tek ég fullan þátt í slíkum leik.
Nú eins og áður sagði þá eru fundarsköp og meðal annars þá er lesin fundargerð síðast fundar og var augljóst á þeim lestri að mikið hefur verið gaman enda þorrafundur og um sextíu kallar samankomnir og skemmtiatriðin ekki af verri endanum. Nú síðan var kynntur matseðill kvöldsins og eftir það tóku menn til matar síns og var maturinn mjög góður að vanda.
Síðan kom að þætti mínum að flytja mönnum fundarefnið en það var um Búseta réttaíbúðir í Siglufirði. Það er skemmst frá því að segja að það var mjög góður rómur gerður af þessu framtaki mínu og er ég þaklátur fyrir þau viðbrögð sem málefnið fékk. Það eru að sjálfsögðu skiptar skoðanir um staðsetningu íbúðanna og er það vel, en heilt yfir þá var samstaða um þetta verkefni og allir töldu það hafa jákvæð áhrif á samfélagið og er þá tilganginum náð.
Eftir að fundi var slitið af forseta þá settust menn niður og ræddu málin góðar umræður og skemmtilegar sögur, ég verð að segja þeim Kiwanis félögum það til hrós að þeir eru skemmtilegir það verður ekki af þeim tekið, og einnig það starf sem þeir vinna fyrir samfélagið það er þeim til sóma. Takk fyrir mig ágætu félagar.
Nú eftir fund fékk maður heimkeyrslu og það sem eftirlifði kvölds var meðal annars hlustað á EAGLES FARWELL DVD diskinn.
1.2.2008 | 15:27
Bolla bolla
Jæja þá er allt að verða vitlaust í þessu bolluáti sá að Aðalbakarí auglýsir frábær tilboð fimmtu,föstu og laugardaga og svo verður opnað kl 07:00 á sjálfan bolludaginn. Ekki það að þetta snerti mig mikið enda enginn bollu aðdáandi, man þegar ég var krakki þá mátti koma með bollu í skólann en ég kom með rúnstykki þótti og þykir það bara betra. Óska ykkur bollu ætum góðrar listar og verðið þið sem feitust af þessu öllu saman,,, heheheheee.
Forseti Kiwanisklúbbsins Skjaldar á Siglufirði kom að máli við mig í gær og spurði hvort að ég vildi koma og tala yfir þeim(fræða) um Búsetaíbúðir sem stefnt er að að reisa í Siglufirði? Ég þáði það og hlakka mikið til. Ég hef einu sinni áður hitt þá félaga og var það mjög góður fundur, hlutirnir ræddir og skoðanir viðraðar sem er alveg bráðnausynlegt.
Kannski verða bara kjötbollur í matinn í kvöld hjá þeim félögum hver veit?
Nýjustu færslur
- 28.1.2011 Börnin borga,,,
- 14.1.2011 Niðurrif
- 31.12.2010 Innantóm loforð
- 11.11.2010 Þjóðar atkvæðagreiðslu
- 3.11.2010 Leiðtoginn,,,
Tenglar
Bloggvinir
Áhugaverðar heimasíður
- Framsóknarfélögin í Fjallabyggð
- Stjórnsýsluráðgjöf Sigurður Tómas
- Hrönn Einarsdóttir flottar myndir
- Sveinn Þorsteinsson myndir
- Þjóðlagasetur Sr Bjarna Þorsteinssonar
- Síldarminjasafn Íslands á Siglufirði
- Gistihúsið Hvanneyri
- Ferðaþjónusta Siglufjarðar
- Leó Óla
- Siv Friðleifsdóttir
- Vélhjólafélag Smaladrengja
- Samband íslenskra sveitafélaga
- Norðurland
- Skíðafélag Siglfirðinga Skíðaborg
- Háskólin á Hólum
- Lífið á Sigló
- Framsókn
- Fjallabyggð
- Þórarinn Hannesson Trúbador og ljóðskáld
Heimsóknir
Flettingar
- Í dag (27.4.): 0
- Sl. sólarhring:
- Sl. viku: 10
- Frá upphafi: 0
Annað
- Innlit í dag: 0
- Innlit sl. viku: 10
- Gestir í dag: 0
- IP-tölur í dag: 0
Uppfært á 3 mín. fresti.
Skýringar
Eldri færslur
- Janúar 2011
- Desember 2010
- Nóvember 2010
- Október 2010
- September 2010
- Júní 2009
- Maí 2009
- Apríl 2009
- Mars 2009
- Febrúar 2009
- Janúar 2009
- Desember 2008
- Nóvember 2008
- Október 2008
- September 2008
- Ágúst 2008
- Júlí 2008
- Júní 2008
- Maí 2008
- Apríl 2008
- Mars 2008
- Febrúar 2008
- Janúar 2008
- Desember 2007
- Nóvember 2007
Færsluflokkar
Myndaalbúm
Bloggvinir
- Birkir Jón Jónsson
- Bjarkey Gunnarsdóttir
- Fanný Guðbjörg Jónsdóttir
- Heiðar Lind Hansson
- Ketilás
- Sigurður Árnason
- Vefritid
- maddaman
- Einar Björn Bjarnason
- FUF í Reykjavík
- Gestur Guðjónsson
- Hlini Melsteð Jóngeirsson
- Jón Ólafur Vilhjálmsson
- Oddur Helgi Halldórsson
- Rauða Ljónið
- Samband ungra framsóknarmanna
- Sigurjón Norberg Kjærnested