Borg ótta og ofankomu

Halló halló er allt að verða vitlaust eða hvað? Það snjóar í höfuðstaðnum og samfélagið ætlar allt á annan endann, ég vona að þeir fari nú að læra eitthvað sem enn aka um á sumardekkjum og eins þeir sem stíga bensíngjöfina í botn og bíta á jaxlinn.

Það er nefnilega með svo marga sem lenda í því að komast ekki leiðar sinnar vegna ófærðar að þeir standa drusluna eins og þeir eigi lífið að leysa.

Bara smá ráð gefa inn afar varlega og ekki að spóla.

Og svo þetta sjá fyrirsögn hvað gengur fólki til maður bara spyr?

Ætla yfir þrátt fyrir lokun

Vegurinn um Hellisheiði og Þrengsli hefur verið lokaður vegna ófærðar síðan klukkan níu í morgun, og segir lögreglan á Selfossi að ekki geti talist miklar líkur á að leiðin verði opnuð í dag. Þrátt fyrir lokunina sé röð bíla veggja vegna heiðarinnar og ökumenn vilji ólmir leggja á hana.

Vegagerðin hefur gert tilraunir til að opna Þrengslaveg, en hann hefur orðið ófær jafnharðan. Lögreglan á Selfossi beinir þeim eindregnu tilmælum til ökumanna að þeir sýni biðlund og virði lokunina.