Steinn Steinarr

Hnoðað saman undir áhrifum Steins Steinarr við ljóðið Hudson Bay

Ég byggði mér banka á sandi

Og ríkið sagði OK

Í dag er hann versti fjandi

Ertu á Djók ey 

Ég fjárfesti í útlandi

Og varð ríkur mjög

Þannig er þessi fjandi

Þetta er djöf......... 

Hugur minn er ekki á Djók ey

Og fjárfesting er slæm

En ég hef allt mitt Ok

Biddu bæn 

Í nótt mun allt kulna

Á landi við Kirkjusand

Byrjaður að gulna

Flýjum land?

 

Rjómapönnukökur fleyta okkur í öryggisráð SÞ?

Er ekki komin tími til að slá þessa hugmynd útaf borðinu og láta staðar numið í eyðslu á almannafé til valdagræðgi.

Einhver tíman var sagt að til að geta stjórnað með aðra þarftu að hafa stjórn á eigin gjörðum og athöfnum. Er ekki sendiherra utanmála að átta sig á ástandinu á klakanum kalda, hún er í ríkisstjórn sem er í stökustu vandræðum með ástandið á eyjunni svo ekki sé meira sagt.

Ráða ekki við það að lægja öldur í eigin ríkisstjórn hvað þá á alþjóðavettvangi.

Og svona í lokin er ekki ástæða til að fækka sendiherrum og öllu sem því fylgir, það er nú einu sinni svo að köld eyja norður í ballarhafi sem telur rétt um 300þús skuli starfrækja öll þessi sendiráð.

Nú er bara eitt í stöðunni veljum íslenskt og verum sjálf okkur nóg, þarf virkilega að eyða gjaldeyri í allar þessar tegundir af hunda og kattarmat eða allar þessar tegundir af klósettpappír svo dæmi séu tekin......

Íslenskar rjómapönnukökur á borðum SÞ

Tilkynning frá Fjallabyggð

Í ljósi þess ástands sem nú ríkir í landinu þá er nauðsynlegt að  fólk haldi ró sinni og missi sig ekki í sögusögnum og tilbúningi, vegna þeirrar umræðu sem fór af stað í okkar rólega samfélagi þá telur bæjarstjórn sér skylt að upplýsa íbúana um þau úrræði sem sveitarfélagið hefur uppá að bjóða og eins að skýra stöðu sveitarfélagsins.

Tekið af vef Fjallabyggðar

Ágætu íbúar Fjallabyggðar Í tilefni frétta af slæmri stöðu íslenskra banka og áhrifa þess á gengi íslensku krónunnar og íslenskt efnahagslíf, vill bæjarstjórn koma eftirfarandi á framfæri. Fjallabyggð er vel statt sveitarfélag. Þær skuldir sem Fjallabyggð á eru að langstærstum hluta hjá Lánsjóði Íslenskra sveitarfélaga og Íbúðalánsjóði á hagstæðum kjörum. Fjallabyggð er með óveruleg lán í erlendri minnt og Fjallbyggð á ekki eignir í hlutafélögum á markaði, né í erlendri starfsemi. 

Eftir sölu Hitaveitu Ólafsfjarðar voru allar óhagstæðar skuldir greiddar upp. Hluti af söluandvirði hitaveitunnar var hins vegar lagður inn á reikning í Sparisjóði Ólafsfjarðar á góðum kjörum, þar sem það var hagstæðara á þeim tíma en að greiða niður skuldir. Það var þó ávallt stefna Fjallabyggðar að nýta þessa peninga til greiðslu lána ef dæmið snerist við, líkt og nú er orðið.

  Bæjarstjórn finnst rétt að árétta að sveitarfélagið stendur vel og er mjög vel í stakk búið til að aðstoða íbúa sína, verði þeir fyrir áföllum.

Félagsmálasvið Fjallabyggðar hefur þegar fundað með aðilum innan heilbrigðisgeirans, grunnskólans, Rauðakrossins, Hjálparstofnunar kirkjunnar og Sparisjóðanna til að leggja á ráðin um hvernig mæta megi hugsanlegri þörf fyrir aðstoð meðal bæjarbúa. Þörf fyrir aðstoð getur birst í mörgum myndum, svo sem þörf á fjárhagslegri aðstoð félagslegri aðstoð, andlegri aðstoð eða ráðgjöf vegna fjármála heimilisins. Á fyrrgreindum fundum var ákveðið að best væri að Félagsþjónusta Fjallabyggðar tæki að sér að vísa fólki rétta leið, þyrfti það á aðstoð að halda. Hægt er að panta tíma hjá starfsfólki félagsþjónustunnar í síma 464-9100 og 464-9200 frá kl. 9:00-12:00 og 13:00-15:00.  

Hafi fólk áhyggjur af eigin hag eða annarra er það hvatt til að nýta sér þá þjónustu sem sveitarfélagið bíður uppá. Við viljum einnig benda fólki á sérstaka upplýsingasíðu vegna sérstakra aðstæðna á fjármálamarkaði sem félags- og tryggingamálaráðuneyti hefur sett upp. http://www.felagsmalaraduneyti.is/upplysingar 

Við minnum einnig á að aðgát skal höfð í nærveru viðkvæmra sála í öllum umræðum um ástand þjóðmála. Börn eru sérstaklega næm fyrir tilfinningum hinna fullorðnu og nauðsynlegt að útskýra hlutina fyrir þeim með uppbyggjandi hætti frekar en svartsýni. 

Við teljum sveitarfélagið og íbúa þess almennt vel í stakk búið til að takast á við þá niðursveiflu sem framundan er og með því að vera jákvæð og samtaka verður það auðveldari og styttri róður en ella. Að lokum vill bæjarstjórn hvetja fólk til að horfa jákvætt fram á veginn.

Ýmiss tækifæri liggja fyrir okkur hér í Fjallabyggð. Þar má t.d. nefna að atvinnu og ferðamálanefnd vinnur nú að því að forgangsraða verkefnum vegna starfshóps ríkisstjórnarinnar um atvinnumál Fjallbyggðar.

Auk þess sem fulltrúar sveitarfélagsins eru í viðræðum við aðila sem sjá Fjallabyggð sem hugsanlegan kost fyrir netþjónabú.  

Með von um góða helgi

Bæjarstjórn Fjallabyggðar

 

Ekki lengi verið að semja nýjan texta,,,,

Það er ekki að spyrja að landanum,í öllum látunum þá dettur einhverjum svona texti í hug.....

Þetta er nýr texti við lagið söknuð með Villa Vil


Mér finnst ég varla heill né hálfur maður
Og heldur blankur, því er verr
Ef væri aur hjá mér, væri ég glaður
Betur settur en ég er

Eitt sinn verða allir menn að borga
Eftir bjartan daginn kemur nótt.
Ég harma það, en samt verð ég að segja,
að lánið fellur allt of fljótt.

Við gátum spreðað, gengið um,
gleymt okkur í búðunum.
Engin svör eru við stjórnarráð
Gengið saman hönd í hönd,
Saman flogið niður á strönd.
Fundið stað, sameinað beggja lán.

Horfið er nú hlutabréf og lánsfé
Í veski mínu hefur eymdin völd
Í dag ræður bara sultarólin
Nú einn ég sit um skuldavönd

Eitt sinn verða allir menn að borga
Eftir bjartan daginn kemur nótt.
Ég harma það, en samt verð ég að segja,
að lánið fellur allt of fljótt.

Ég horfi yfir bankann minn
Hugsi hvort hann hleypi mér inn
Ég alltaf gat treyst á þig
Í að fjármagna mig
Ég reyndar skulda allstaðar
Þá napurt er, það næðir hér
og nístir mig.

Einn góður á erlensku :)

Svona mitt í öllu fárinu þá má ekki missa húmorinn.

An American said:
 
*"We have George Bush, Stevie Wonder,
 
   Bob Hope, and Johnny Cash."*
 
 
 
 
 
*And an Icelander replied:
 
*"We have Geir Haarde, no Wonder, no Hope,
 
   and no Cash".

Stoppum sölumenn dauðans strax

Nú streyma tölvupóstar úr dóms og kirkjumálararáðuneytinu en fyrir nokkru síðan þá skráði ég mig á póstlista [e-mail]það sem vakti sérstaka athygli mína er eftirfarandi fréttatilkynning

Samkomulag um sérstakt lögregluátak í fíkniefnamálum á Norðurlandi

7.8.2008

Björn Bjarnason dóms- og kirkjumálaráðherra og lögreglustjórarnir Björn Jósef Arnviðarson á Akureyri, Bjarni Stefánsson á Blönduósi, Halldór Kristinsson á Húsavík og Ríkarður Másson á Sauðárkróki auk Haraldar Johannessen ríkislögreglustjóra skrifuðu í dag, 7. ágúst, undir samkomulag um sérstakt samstarfsátak lögreglunnar gegn fíkniefnavanda á Norðurlandi.

Samkomulagið miðar að stórauknu samstarfi norðlensku lögregluliðanna fjögurra. Komið verður á laggirnar sérstöku teymi þriggja lögreglumanna við rannsóknardeild lögreglunnar á Akureyri ásamt lögreglumanni með fíkniefnahund. Verða tveir lögreglumannanna í teyminu frá sérsveit ríkislögreglustjóra. Starfsstöð fíkniefnateymisins er í lögreglustöðinni á Akureyri en umboð þess nær til allra lögregluumdæmanna fjögurra á Norðurlandi. Með samstarfinu er stefnt að því að efla styrk og samtakamátt lögregluliðanna fjögurra og herða þannig baráttuna gegn innflutningi, dreifingu og neyslu fíkniefna.

Þetta er að mínu mati gott og löngu þarft verk að ráðast á þá vesælu einstaklinga sem eru að gera börnin okkar að eiturfíklum og vesælum einstaklingum sem festast í neti fíkninar og því miður alltof mörg ná svo ekki að vinna sig út úr.

Til að ná sem mestum árangri þá þurfum við að leggja lögregluyfirvöldum lið og segja frá ef við vitum af þessum vesælu aðilum sem stunda þá iðju að halda eitrinu að börnum okkar.

http://efnisvaki.stjr.is/efnisvaki/vakt-edit?flokkur_id=356

EYÞING Aðalfundur í dag og á morgun

Þá er komið að aðalfundi Eyþings sambandi sveitarfélaga í Eyjarfjarðarsveit og Þingeyjarsýslum. fundurinn er haldinn í litlu Reykjavík(Akureyri).

Mér er engin sérstök tilhlökkun í huga fyrir þennan fund, ástæðan er einföld við Siglfirðingar erum að stíga okkar fyrstu skref í þessu samstarfi og ég verð að segja að móttökurnar hafa ekki verið neitt sérstaklega góðar.

Hún Halldóra amma mín sáluga var gestrisin með eindæmum og öllum þótti gott að heimsækja ömmu hún átti það til að draga bláókunnugt fólk af götunni inn í kaffi og pönnukökur. Þetta kalla ég gestrisni með eindæmum og hef ég oft heyrt að svona hafi Siglfirðingar verið og séu enn.

Átæða þess að ég nefni gestrisni er sú að mér finnst viðtökur við okkar úr Fjallabyggð hafi ekki verið góðar og þá á ég sérstaklega við fulltrúa frá Akureyri sem eru að starfa á vettvangi sveitarstjórnamála.

Tvö dæmi sem að mínu mati segja allt sem segja þarf, ég og bæjarstjóri heimsóttum atvinnuþróunarfélag Eyjafjarðar í febrúar sl og má segja að við höfum bakkað þaðan út og hver voru skilaboðin jú þeir eru ekkert að sinna svona smáfyrirtækjum eins og væri svo mikið af í Fjallabyggð þeir væru meira svona í stærri verkefnum eins og álþynnuverksmiðju osfrv. Þess má geta að Fjallabyggð er að borga 1,7milljón á ári í atvinnuþróunarfélagið.

Seinna dæmið er svo samskipti varðandi uppbyggingu framhaldsskóla við utanverðan Eyjafjörð en ákveðið var á aðalfundi Héraðsnefndar Eyjafjarðar að öll sveitarfélögin tækju þátt í uppbyggingu þess skóla eins og hefur verið með uppbyggingu VMA og MA. En hvað skeður nokkrum mánuðum seinna þá tjá fulltrúar Akureyrar okkur sveitastjórnarmönnum í Fjallabyggð að hlutfallsskiptingin sé ósanngjörn í þeirra garð.

Þessi sama regla hafði gilt við uppbyggingu VMA og MA en núna hentaði hún ekki Akureyringum, hvað veldur vita þeir best sjálfir. Ákveðið var að ganga til sérsamninga við blessaða Akureyringana og tókust þeir samningar fyrir rest. Öll önnur sveitarfélög gengust að sjálfsögðu við þeirri skiptingu eins og verið hefur, ekkert múður þar á ferð. 

Svona móttökur lofa að mínu mati ekki góðu og satt best að segja þá undrast ég þær mikið, vonandi sjá Akureyringar að sér og sýni almenna gestrisnivið nágranna sína því við vitum jú vel að þeir þurfa á okkur að halda eins og við þeim. 

Davíð ók og Geir var farþegi um borð. Samfylkingunni var ekki boðið með.

Tekið af heimasíðu Valgerðar Sverrisdóttur  Össur hefur sagt um Valgerði að hún sé skæðasti stjórnarandstæðingur og hann sé hálf hræddur við hana, kannski ekki að ástæðulausu.

Atburðir dagsins eru dramatískir og alvarlegir. Þeir færa okkur heim sanninn um að allt er í heiminum hverfult og að enginn veit hvað átt hefur fyrr en misst hefur, svo að gripið sé til þekktra orðatiltækja.

Orð sérfræðingsins Richards Thomas hjá Merrill Lynch-bankanum, sem hann lét falla seinni partinn í júlí, rifjast upp fyrir mér við þessa atburði. Hann velti upp í alvöru hvort íslensk stjórnvöld ætluðu að halda að sér höndum þar til íslensku bankarnir væru svo illa staddir að hægt væri að þjóðnýta þá. Starfandi forsætisráðherra á þeim tíma, Þorgerður Katrín Gunnarsdóttir, sagði í framhaldinu að svona ummæli dæmdu sig sjálf og velti fyrir sér hvort einhverjar annarlegar hvatir lægju að baki svona staðhæfingu.

En hvað gerðist í dag?

Á meðan forsætisráðherra og formaður Sjálfstæðisflokksins var staddur í New York til að tala fyrir aðild Íslands að Öryggisráði Sameinuðu þjóðanna, gerðist ýmislegt hér heima. Í fyrsta lagi missti Ísland af þátttöku í gjaldeyrisskiptasamningum sem bandaríski Seðlabankinn gerði við nágranna okkar á Norðurlöndum. Stjórnvöld urðu tvísaga um það hvort reynt var að hoppa upp í þann vagn eða ekki. Eftir á að hyggja hefur túlkun efnahagsráðgjafa forsætisráðherra sennilega verið sú rétta, þ.e.a.s. að Seðlabanki Íslands hafi ekki viljað vera með.

Hafði hann önnur plön?

Í morgun greindi Davíð Oddsson, formaður bankastjórnar Seðlabankans, frá því að Glitnir væri kominn í þrot vegna erfiðrar lausafjárstöðu og að ríkið myndi eignast 75% í bankanum með kaupum á hlutafé upp á u.þ.b. 84 milljarða íslenskra króna. Gengið væri út frá genginu 5 en það stóð í 16 s.l. föstudag. Davíð greindi einnig frá því að eignasafnið væri gott og að forsvarsmenn Glitnis hefðu átt frumkvæði í málinu með því að leita til ríkisvaldsins. Í framhaldinu hefur stjórn Stoða (áður FL-group) óskað eftir greiðslustöðvun.

Þar er Baugur stór eigandi.

Í dag kemur fram í viðtali við formann stjórnar Glitnis að það hefði verið hægt að fara aðrar leiðir en þá sem farin var. Glitni hafi hins vegar einhverra hluta vegna verið hafnað um lán til þrautarvara gegn traustum veðum. Gjaldeyrisskiptasamningur, eins og sá sem Ísland missti af, hefði skipt máli í þessari stöðu.

Glitnir hafi einfaldlega verið settur í þá stöðu að hafa ekkert val.

Rétt er að hafa í huga að Alþingi samþykkti lántöku í vor upp á 500 milljarða króna til að styrkja gjaldeyrisvaraforða Seðlabankans. Einungis hluti þeirrar heimildar hefur verið nýttur og standa eftir af henni um 370 milljarðar króna. Ráðherrar hafa hælt sér af að taka ekki frekari lán vegna þess kostnaðar sem það hafi í för með sér.

Þess má geta að Byggðastofnun tók nýlega lán á góðum kjörum og fór létt með það.

Það vekur athygli að Landsbankinn gefur út yfirlýsingu í dag og fagnar aðgerðum stjórnvalda og telur þær skjótar og ákveðnar og beri vott um skýran vilja til þess að styrkja stoðir íslensks efnahagslífs og fjármálakerfis. Landsbankinn telur aðgerðina jákvæða auk þess sem hún muni leiða til tækifæra á frekari sameiningu fjármálastofnana hér á landi.

Einn af stjórnarmönnum í Landsbanka Íslands er Kjartan Gunnarsson fyrrverandi framkvæmdastjóri Sjálfstæðisflokksins.

Allt það sem hér er sagt gefur tilefni til efasemda um að nauðsynlegt hafi verið að fara þá leið sem farin var. Hvers vegna ætlar ríkið að kaupa 75% hlut í Glitni í stað þess að eyða lægri fjárhæðum af skattfé almennings í slíkar fjárfestingar og leysa málið að öðru leyti með lánveitingu ef þörf var á? Komast þarf til botns í því hvort nægjanlega traustar tryggingar voru ekki boðnar gegn slíkri lánveitingu.

Myndin sem birtist af lykilpersónum í málinu eftir fundarhöld í nótt var táknræn.

Alþjóðlegur Hjartadagur

Ég fékk bréf í síðustu viku frá Rannsóknarstöð Hjartavernd, það er meðal annars sagt frá því að 28. sept verður haldin um víða veröld sem Alþjóðlegur Hjartadagur.

Þetta var einnig fræðslu og hvatningarbréf um þær rannsóknir sem gerðar hafa verið og verið er að vinna í og hvatning til að huga betur að heilsunni.

Bréf þetta vakti mig til umhugsunar um líkamlegt ástand mitt og minna nánustu, vonandi á það við um fleiri. Í móðurætt minni er mikið um kransæðasjúkdóma og dó móður amma mín úr slíku.

Meðal annars segir í bréfinu " Eina leiðin fyrir þig til að fá vitneskju um hver er áhætta þín er að panta tíma hjá fagfólki sem mælir blóðþrýsting, stöðu kólesteróls og blóðsykurs, mælir mittismál og/eða reiknar út þinn þyngdarstuðul (BMI). Þegar þú veist áhættu þína geturðu hugsanlega tekið í taumana og dregið úr líkunum á að þú þróir með þér hjartasjúkdóma." Já þetta ætti að vera okkur öllum hjartans mál

Tekið af heimasíðu hjartaverndar

Hvernig er hjartvænn lífstíll?

Það er að byrja ekki að reykja eða hætta að reykja, það er aldrei of seint. Í boði eru
fjölda námskeiða í reykleysismeðferð og ýmis hjálparlyf.

Regluleg hreyfing hefur verulegan heilsufarslegan ávinning. Það hefur sýnt sig í rannsóknum að samtals hálftíma hreyfing á dag 5 daga vikunnar eða oftar dregur verulega úr líkum á því að fólk þrói með sér hjartasjúkdóm. Áhrif hreyfingar á hjarta- og æðakerfi eru fjölþætt; sterkari hjartavöðvi, aukið þol, blóðþrýstingur lækkar, jákvæð áhrif á blóðfitu einkum á góða kólesterólið, auðveldara að halda kjörþyngd bæði með aukinni brennslu og auknum grunnefnaskiptahraða. Regluleg hreyfing dregur úr líkum á offitu og ýmsum sjúkdómum, minnkar streitu og kvíða, bætir svefn og leiðir af sér betri almenna líðan. Til þess að fólk gefist ekki upp á reglulegri hreyfingu þarf að velja hreyfingu sem fólk hefur gaman af, nýta hreyfinguna í daglega lífinu s.s nota stigana, ganga í búðina eða til vinnu þar sem það er hægt.

Matarræðið er annar þáttur sem skiptir máli við hjartvænan lífstíl og við getum haft áhrif á. Þar eru EMMin þrjú sem þarf að skoða; rétta Máltíðamunstrið, rétta Magnið og rétti Maturinn. Varðandi máltíðarmunstrið þá er talað um að borða reglulega yfir daginn 4-5 máltíðir á dag. Hvað magnið snertir eru einfaldar reglur sem hægt er að styðjast við eins og að fá sér einu sinni á diskinn og halda sig við reglulegar máltíðir og borða lítið sem ekkert eftir kvöldverð. Margir fara út í að borða of lítið þe. borða of fáar hitaeiningar sem er ekki gott. Varðandi matinn er fjölbreytt fæði úr öllum fæðuflokkum án óþarfa fitu og sykurs talið heppilegast. Matardagbók er einfalt en afar gott hjálpartæki fyrir fólk til að skoða sitt máltíðamunstur, magn og hvað það er að borða.

 

Ljóðabærinn Siglufjörður

Það er mikill fengur fyrir bæjarfélag að hafa innan sinna raða eins skapandi listafólk eins og við erum svo heppin að hafa hérna á Sigló (Fjallabyggð). Brynja og Þórarinn eru bæði tvö með miklar og að mínu mati mjög góðar hugmyndir í þá átt að skapa bænum sérstöðu á landsvísu.

Glóð Ljóðahátíð 25.-27.september sem Þórarinn Hannesson stendur fyrir fer vel af stað. Leitast er við að virkja sem flesta svo sem nemendur í grunnskólanum og bæjarbúa, Þórarinn Eldjárn les úr verkum sínum og veitir verðlaun í ljóðasamkeppni Grunnskóla Siglufjarðar.

Í kvöld verður svo í Gránu aldarminning Steins Steinars dagskrá í tali og tónum um Stein steinar. Elfar Logi Hannesson og Þröstur Jóhannesson flytja ljóðleikinn Búlúlala, Örlygur Kristfinnsson fjallar um tíma Steins á Siglufirði, Þórarinn Eldjárn segir frá Steini og kveðskap hans og Þórarinn Hannesson flytur eigin lög við ljóð skáldsins.

Eftirfarandi er tekið úr fundargerð atvinnu og ferðamálanefndar. 

1.      Ljóðabærinn Siglufjörður - Brynja Baldursdóttir.     Brynja Baldursdóttir, myndlistamaður og hönnuður kynnti mjög svo nýstárlega hugmynd um að gera Siglufjörð að ljóðabæ.  Hugmyndin er að skreyta bæinn með sýnilegum ljóðum hvar sem er um bæinn, t.d. á gangstéttum, ljósastaurum, húsum, húsgögnum og nánast hvar sem er.  Þá væri hægt að setja upp brjóstmyndir af þjóðskáldunum.   Fundarmenn sammála um að fylgja þessari hugmynd úr hlaði og að skoða þetta mál frekar. Ljóðasetur Íslands - Þórarinn Hannesson.Þórarinn Hannesson mætti til fundarins og kynnti þar hugmynd sína að stofnun Ljóðaseturs Íslands á Siglufirði.  Byrjaði með ljóðakvöldi Glóa og hefur síðan vaxið og aukist.  Ljóðahátíð verður nú á næstunni og verða sérstakir gestir Þórarinn Eldjárn og Ari Trausti Guðmundsson.  Hugmyndin með ljóðasetrinu er að gera grein fyrir ljóðlistinni frá landnámi og til okkar daga.  Kynningar og fræðimenn fengju þarna möguleika til skoða ljóðlistina.  Þarna er hugmyndin að hafa ljóðabókasafn, ljóðabókasölu, kaffihorn og möguleika til að glugga í ljóðabækur, upplestrar og ljóðakvöld.    Reynt verður að opna fyrsta áfanga setursins á árinu 2009.