Áfram er grínast í lýðnum nú eru það 160 milljónir og umsóknir já já 1,8 milljarðar

Þar sem ég er svo glaðvaknaður og morgun ferskur eftir góðan fund hjá SSNV í Skagafirði í gær þá finn ég mig knúinn til að halda áfram með umfjöllun um mótvægisaðgerðir tengdri ferðaþjónustu.

Segja má að grínið haldi áfram, það er deginum ljósara að mun fleiri eru að snudda í ferðaþjónustu heldur en ráðamenn hafa gert sér grein fyrir eða hvað?

Hvar finna Össur og comapní co að 160 milljónir hafi eitthvað að segja með mótvægis aðgerðir í ferðaþjónustu, því eins og mjög margir vita þá sjá þeir staðir (þar sem fiskurinn er meira að segja líka farinn suður) einna helst framtíð í ferðaþjónustu margskonar. 

En það er nefnilega svo skrýtið með ferðaþjónustuna að hún er margbreytileg og orðin með stærri iðngreinum á klakanum kalda.

Þetta þurfa ráðamenn að fara að uppgvöta, í mínum augum eru 160 milljónir bara dropi í hafið eins og sést best á upphæð umsókna ekki nema  1,8 milljarðar. HALLÓ HALLÓ

 Tekið af vef byggðastofnunar 

Mótvægisaðgerðir á sviði ferðaþjónustu

Yfir 300 umóknir bárust um stuðning við verkefni til atvinnusköpunar í ferðaþjónustu

Í janúar síðast liðnum var auglýst eftir umsóknum um stuðning við verkefni til atvinnusköpunar í ferðaþjónustu á þeim svæðum sem orðið hafa fyrir samdrætti vegna skerðingar á aflaheimildum, en ríkisstjórnin ákvað að verja til þessara verkefna alls 160 mkr.  Umsóknarfrestur rann út þann 5. febrúar síðast liðinn.  Alls bárust 302 umsóknir að fjárhæð samtals um 1,8 milljarðar kr, þannig að ljóst er að áhuginn er gríðarlega mikill.  Byggðastofnun vinnur nú að úrvinnslu umsóknanna, en sérstaklega er litið til langtímaáhrifa verkefna á sköpun nýrra starfa á svæðunum, og hversu hratt þau geta orðið til.  Iðnaðarráðherra mun síðan taka ákvörðun um afgreiðslu umsóknanna.

Björn smali

Ég hef þá trú að Björn hætti áður en þessu kjörtímabili ljúki, ekki það ég ég óski þess nei Björn er með duglegri þingmönnum og mættu margir taka hann sér til fyrirmyndar í vinnuákafanum, hann hefur gert marga ágæta hluti.

 

 „Ég þarf að meta hvar ég tel mig geta orðið best að liði,“ segir Björn í viðtali við 24 stundir. „Eða ætti ég kannski bara að fara að sinna kindunum mínum í Fljótshlíðinni?“

Ef Björn endar sem smali í Fljotshlíðinni  er ég sannfærður um að hann og kindurnar nái vel saman, hef grun um að í Birni búi góður smali.

 

Björn verður ekki sendiherra

Vonbrigði og falskar vonir eða hvað? 360 milljónir ertu að grínast í mér?

Ég hlýt að spyrja mig þeirra spurningar hver er tilgangur ríkisstjórnarinnar með þessum styrkveitingum? þegar úthlutað er 360 milljónum árin 2008 og 2009 og umsóknir eru upp á 3,2milljarða er þá ekki eitthvað mikið að gerast í samfélaginu?

Nú ætla ég að vera á jákvæðu nótunum(komin tími til segja sumir) og segi þá, já ekki vantar hugmyndarflugið í landann og ekki bara á þeim svæðum sem mótvægisaðgerða er þörf gaman gaman allir svo hugmyndaríkir. :)

Eða vera réttsýnn og segi ef það er verið að úthluta styrkjum á sviði ferða og nýsköpunar þá eru 360 milljónir bara grín, af hverju jú það vita þeir sem eru í sambandi við veruleikann að helstu tækifæri þeirra svæða sem hafa farið halloka í sjávarútveginum sjá helstu möguleika og framtíð í ferðaþjónustu.

Tekið af verf Byggðastofnunar...... www.byggdastofnun.is

 

Mótvægisaðgerðir á sviði ferðaþjónustu og eflingu atvinnuþróunar og nýsköpunar.

Alls bárust 543 umsóknir og sótt var um styrki til verkefna samtals að upphæð rúmlega 3,2 milljarða. Til ráðstöfunar eru 360 milljónir árin 2008 og 2009.

Þann 5. febrúar rann út frestur til að sækja um stuðning við verkefni til atvinnusköpunar í ferðaþjónustu vegna mótvægisaðgerða ríkisstjórnarinnar.  Alls bárust 303 umsóknir samtals rúmlega 1,8 milljarðar.

Skipting eftir svæðum er eftirfarandi:

Ferðaþjónusta:

Svæði	Fjöldi umsókna	Samtals sótt um
Höfuðborgarsvæðið	22	147.040.000
Suðurnes	8	58.000.000
Vesturland	36	212.544.925
Vestfirðir	87	489.564.758
Norðurland vestra	41	264.820.000
Eyjafjörður	30	191.920.000
Þingeyjarsýslur	27	149.780.000
Austurland	37	238.732.000
Suðurland	14	88.465.000
Samtals	303	1.840.966.683

Unnið er að mati á umsóknum og stefnt er að niðurstöður um styrkveitingar liggi fyrir í lok mars 2008.

Vér mótmælum allir álveri i Helguvík,hvar eru græna netið og ríkisstyrktu skrifararnir?

Ég sá þetta á bloggi sjávar og landbúnaðarráðherra og gæti ég ekki verið meira sammála honum. Einhverja hluta vegna þá verður gagnrýnin miklu mun meiri þegar á að fara í stóriðju framkvæmdir "úti á landi" frekar en á suðvesturhorninu sem er að sökkva landinu eins og ég hef komið að áður í mínum færslum.

Hvar er græna netið hjá Dofra og félögum og allir ríkisstyrktu rithöfundarnir með framtíðasýnina fyrir landsbyggðina og lausnirnar ég sakna þess að þeir sjái ekki vandan í bakgarðinum hjá sér, kannski þeir séu svo uppteknir af vandamálum landsbyggðarinnar og hálendisins að þeir taki eftir sökkvandi suðvesturhorni.

"Það var þegar Smári sagði okkur að búast við miklum árásum og mikilli gagnrýni frá hinum talandi og skrifandi stéttum gegn uppbyggingu atvinnulífs af þessu tagi á landsbyggðinni. Hann fullyrti að slík mótmæli heyrðust ekki þegar um væri að ræða sambærilega uppbyggingu á höfuðborgarsvæðinu eða i næsta nágrenni þess. En öðru máli gegndi þegar um væri að ræða hugmyndir er lytu að atvinnuuppbyggingu fjær stór - höfðuborgarsvæðinu.

Og mikið rétt. Svona er þetta. Því miður.

Menn fara hamförum gegn hugmyndum um olíuhreinsistöð fyrir vestan og virðast ekki einu sinni telja að þann kost megi skoða sem aðra. En uppbyggingu í Helguvík t.d  er ekki mætt með sambærilegri gagnrýni. Þar gilda greinilega önnur sjónarmið.

Ekki er efnt til sérstakra funda gegn þeirri uppbyggingu. Og hið algjörlega hlutlausa Ríkisútvarp flytur manni ekki einhliða áróðursfrétt gegn atvinnuuppbyggingu á Suðurnesjum, líkt og við lögskipaðir afnotagjaldsgreiðendur fengum að heyra í Ríkissjónvarpinu sl sunnudag. Sú frétt var nú meiri skandallinn. Þar voru leiddir fram í einni prósessíu Árni Finnsson, Mörður Árnason og Bergur Sigurðsson hjá Landvernd. Krítíklausir andstæðingar þessarar hugmyndar og fréttin í samræmi við það. Þarna fauk hlutleysisgríma sjónvarpsins út í buskann.

Það er mikið umhugsunarefni þetta. Atvinnuuppbygging úti á landi er tekin öðrum tökum, en sú sem á höfuðborgarsvæðinu á sér stað. Við munum það sem fylgdumst með átökunum um stóriðjuna fyrir austan og við erum að sjá það núna í því undarlega trúboði sem nú fer fram gegn því að menn láti á það reyna hvort uppbygging olíuhreinsistöðvar geti fallið að lögum og reglum sem við höfum um slíka starfsemi hér á landi." þetta eru skrif á ráðherra og er hann meðal annars að vitna í Smára Geirsson forseta bæjarstjórnar Fjarðabyggðar sem var með framsögu á ráðstefnu um atvinnumál á vestfjörðum

Mótvægisaðgerðir- fyrir hverja?

 Það hefur mikið verið rætt um svokallaðar mótvægisaðgerðir á mörgum vinnustöðum og innan margra sveitarstjórna eins og flest öllum er kunnugt um. Nú virðist sem þessar svokölluðu mótvægisaðgerðir hafi mjög lítil og á mörgum stöðum alls engin áhrif, ég er ánægður með fyrirspurn Guðna Ágústsonar sem baunaði til forsætisráðherra eftirfarandi.

En við sem störfum í sveitarstjórnarmálum verðum ansi mikið vör við framtaksleysi og áhugaleysi stjórnvalda í þessum efnum.

Tökum sem dæmi byggðakvótann það er nú svo að af þeim kvóta sem búið er að úthluta hefur ekki veiðst nema um 17%, hvað veldur veit ég ekki nákvæmlega en þarna er eitthvað að og vilji til þess að ganga í þau mál er enginn að hálfu hins opinbera. Það þekkjum við í sveitarfélaginu Fjallabyggð.

Fyrirspurnin frá Guðna Ágústsyni er svohljóðandi: 

    1.      Hver er áætlaður tekjusamdráttur fyrirtækja og sveitarfélaga vegna niðurskurðar þorskkvóta á yfirstandandi fiskveiðiári? Svar óskast sundurliðað eftir sveitarfélögum.

    2.      Hversu mörg störf má áætla að hafi tapast vegna niðurskurðar þorskkvóta á yfirstandandi fiskveiðiári? Svar óskast sundurliðað eftir því hvort um bein eða óbein störf er að ræða og eftir sveitarfélögum.

    3.      Hversu háar fjárhæðir renna í formi mótvægisaðgerða úr ríkissjóði vegna niðurskurðar þorskkvóta á yfirstandandi fiskveiðiári? Svar óskast sundurliðað eftir sveitarfélögum ásamt yfirliti yfir hvaða framkvæmdir er um að ræða á bak við greiðslurnar, hvaða fjárhæðir er þegar búið að greiða og hvaða fjárhæðir á eftir að greiða, ásamt áætlun yfir hvenær þær greiðslur munu eiga sér stað, einnig er óskað eftir sundurliðun á því hvaða framkvæmdir sem falla undir mótvægisaðgerðir eru nýjar aðgerðir, ákveðnar eftir að ákvörðun um niðurskurð þorskkvótans var tekin, og hverjar eru flýting á framkvæmdum sem þegar hafði verið ákveðið að ráðast í fyrir þann tíma.

    4.      Hversu mikill hluti boðaðra mótvægisaðgerða verða útboðsskyldar framkvæmdir og hvernig hyggjast stjórnvöld tryggja að tekjur, beinar og óbeinar, af þeim framkvæmdum verði eftir í byggðarlögunum?

Boccia mót Snerpu og sigurvegarinn níræður unglingur

Í gær fór fram hið árlega þorramót Snerpu í boccia og að venju þá er skorað á bæjarstjórn. Við tókum að sjálfsögðu áskorunni og mættu fulltrúar sveitarfélagsins vígreifir kl 10 í gærmorgun vel græjaðir í íþróttaskóm og allt sumir meira að segja í stuttbuxum því nú átti svo sannarlega að taka á því en í fyrra vorum við hreinlega tekin í kennslustund.

Og til að gera langa sögu stutta þá varð engin breyting á þrátt fyrir ágætis útbúnað og sumir höfðu meira að segja sýnt framför frá því í fyrra. Snerpu fólk rúllaði okkur upp og ég verð að segja að margt af þeirra fólki sýndi alveg magnaða takta svo ekki sé meira sagt enda íslandsmeistarar í þeirra röðum. En sigurvegar mótsins er án efa sómakonan og snillingurinn Hrefna Hermannsdóttir en hún verður níræð á þessu ári. Þvílíkt keppnisskap og taktar sem þessi lífsglaða kona sýnir, ætti að vera okkur öllum til fyrirmyndar ég verð að segja það að ég ætla svo sannarlega að vona að ég geti keppt í boccia þegar ég verð fullorðinn og geri þá helst eins og Hrefna vinni mótið.

Hún og Íris Eva voru svo sannarlega vel að sigrinum komnar, þeir sem þekkja mig vita að það er "smá " keppnisskap í kallinum og verð ég að segja að það var ekkert sérstakt að láta rúlla sér upp þarna í gær. Skotið var á krísufundi hjá fulltrúum bæjarstjórnar og ákveðið var að leita samninga við þjálfara og á þessu stigi málsins er ekki hægt að greina frá nafni hans að svo stöddu.

Ég ætla svo sannarlega að vona að þær viðræður beri árangur. Að móti loknu var svo komið saman og borðaður þorramatur og fleira góðgæti og síðan verðlaunaafhending og svo dansað undir fögrum tónum stórsveitar Sigurjóns Steinssonar hljómsveitarstjóra og allir skemmtu sér vel og mislengi.

Takk fyrir skemmtilegt mót Snerpufélagar og sjáumst að ári og þá verður bæjarstjórnin vonandi búin að æfa undir stjórn nýs þjálfara.

á myndinni sjást þeir sem urðu í þremur efstu sætunum og Hrefna Hermannsdóttir með bikarinn góða. Fleiri myndir eru inná www.sksiglo.is