Þingsályktunartillaga Birkir J Jónssonar ofl verður loks að veruleika 16. mars 2009

Loksins sér fyrir endann á þessu mikla baráttumáli sem hinn ungi en í dag nokkuð reyndi þingmaður Framsóknarflokksins í NA kjördæmi Birkir J Jónsson hóf máls á 2005.

Í dag má sjá tilkynningu þess efnis að menntamálastýra Katrín Jakobsdóttir kemur til með að skrifa undir samkomulag og uppbyggingu um framhaldsskóla með höfuðstöðvar í Ólafsfirði Fjallabyggð.

Þegar ég fór í sveitarstjórn þá hefur þetta mál verið það sem ég hef talið skipta framtíð sveitafélagsins Fjallabyggðar mestu máli.

Ég hef einnig sagt að þetta er okkar stóriðja græn stóriðja sem kemur til með að "framleiða" ungt og vel menntað fólk. Þessi stóriðja kemur til með að skapa mörg ný störf og afleidd störf í sveitarfélaginu ,samfélagið okkar á eftir að breytast yngra fólki á eftir að fjölga kostnaður foreldra lækkar osfrv.

Ég er þakklátur núverandi menntamálastýru að sjá sér fært að ganga svo skörunglega í málið en það er ekkert launungamál að fyrirrennari hennar í starfi átti einhverja hluta erfitt að ganga frá undirskrift þó svo að skólinn væri kominn á fjárlög.

 

Tekið af www.dagur.net

 

Föstudagur 14. október 2005 10:52

Þingsályktunartillaga um stofnun framhaldsskóla við utanverðan Eyjafjörð

Átta af tíu þingmönnum Norðausturkjördæmis auk eins úr Norðvesturkjördæmis, með Birki J. Jónsson í broddi fylkingar hafa lagt fram þingsályktunartillögu um stofnun framhaldsskóla við utanverðan Eyjafjörð.

Sjá heimasíðu Fjallabyggðar

Mánudaginn 16. mars nk. munu Katrín Jakobsdóttir menntamálaráðherra, Svanfríður Jónasdóttir oddviti Héraðsnefndar Eyjafjarðar og Þórir Kr. Þórisson bæjarstjóri Fjallabyggðar undirrita samkomulag um stofnun og uppbyggingu framhaldsskóla við utanverðan Eyjafjörð.

Lesa meira

Loksins, loksins sést ljóstýra

Vonandi verður hægt að fá þessa manneskju til að aðstoða við þá miklu rannsóknarvinnu sem framundan er.

Má búast við að drullan fari að koma upp á yfirborðið, spillingaröflin verður að uppræta og ná að draga fyrir dóm þá sem brutu af sér og ábyrgð bera á því ástandi sem þjóðin stendur frammi fyrir.

Loksins sér maður ljósið í myrkrinu og vonandi á það ljós eftir að lýsa upp öll myrkraverkin sem allt lýtur út fyrir að hafi verið unnin á hinum ýmsu stöðum.

 

 

Eva Joly ráðleggur ríkisstjórn

Heilbrigðisráðherra veður reyk,,,,

Ekki skánuðu vinnubrögðin að neinu marki í Heilbrigðisráðuneytinu þegar Ögmundur tók við af Guðlaugi. Sem dæmi þá nefni ég áhuga ráðherra veikinda og heilbrigðis á því að sameina Heilbrigðisstofnun Siglufjarðar, Heilsugælur Ólafsfjarðar Dalvíkur og Akureyrar og Sjúkrahús Akureyrar undir eina yfirstjórn þrátt fyrir andstöðu allra framkvæmdastjóra sem hafa rætt við ráðherra og fært rök fyrir sínu máli.

Núverandi ráðherra eins og forveri hans talar um samstarf við sveitarstjórnir um málið en það vekur furðu okkar í sveitastjórn Fjallabyggðar að allt samstarf hefur verið það að skrifa okkur bréf og tilkynna það að svona verði gert þetta verði sameiningin og segið mér álit ykkar (sem skiptir engu máli).

Svona vinnubrögð og hreinlega valdníðsla stjórnvalda eru algerlega óásættanleg að mati sveitastjórnamann (allavega þeirra sem sátu bæjarráðsfund) það hefur verið horfið frá sameiningu annar heilbrigðisstofnana og heilsugæslustöðva á Norðurlandi en eftir stendur þessi afar slæmi kostur sem á að "troða" í gegn.

Ég sem sveitarstjórnamaður get ekki sætt mig við svona valdníðslu og að ganga þvert á það sem framkvæmdastjórar stofnanna leggja til. Þess vegna leggur bæjarráð til við ráðherra að sameina eins og til stóð í upphafi Heilbrigðisstofnun Siglufjarðar og Heilsugæslunnar á Ólafsfirði og Dalvík ef það gengur ekki eftir þá sameina Heilbrigðisstofnun Siglufjarðar og Heilsugæsluna í Ólafsfirði sem vilja starfa náið með FSA svo sem með endurhæfingu á sjúklingum frá FSA osfrv. Þarna eru tækifæri á aukinni atvinnu og meiri og betri þjónustu.

Svo hef ég velt fyrir mér hvernig sé fyrir framkvæmdastjóra þessara stofnana að vinna við þær aðstæður sem uppi eru, hringlanda háttur ráðherra núverandi og fyrrverandi er algerlega óviðunandi það eru að koma kosningar og legg ég til að ráðherra láti kyrrt liggja, má svo búast við að enn einn ráðherra komist til valda og þá verði annað uppá teningnum?

þetta er ólíðandi aðstæður sem þessar stofnanir eru settar í og íbúar lifa við mikið óöryggi svo ekki sé meira sagt.

Meðfylgjandi er bókun frá bæjarráðsfundi sl fimmtudag. sjá nánar á www.fjallabyggd.is

7.  0903014 - Endurskoðuð áform um sameiningu heilbrigðisstofnana á Norðurlandi send til umsagnar.
Í erindi heilbrigðisráðherra, er sveitarfélaginu gefinn kostur á umsögn um endurskoðuð áform um sameiningu heilbrigðisstofnana á Norðurlandi.
Bæjarráð Fjallabyggðar ítrekar fyrri umsagnir sínar til ráðuneytisins um sameiningar heilbrigðisstofnana og kannast ekki við að haft hafi verið samráð við sveitarfélagið um þessa tillögu sem liggur fyrir bæjarráði nú.
Bæjarráð er því mótfallið tillögunni.
Bæjarráð Fjallabyggðar telur rétt að horfa til sameiningar heilbrigðisstofnana við utanverðan Eyjafjörð með nánu samstarfi við FSA.

 

 

Öryggis tilfinning af varnargörðum

Ég verð að segja að ég finn til öryggistilfinningar af varnargörðunum sem búið er að reisa í Siglufirði. Þó svo að margir hafi orð á því að búið sé að eyðileggja fjallið og allt það þá er þetta spurning að verja byggðina og fólkið sem þarna býr.

Eftir að búið var að sá í garðanna s.l. sumar þá er óhætt að segja að útlitið er allt annað þeir falla mun betur inn í landslagið og svo er þetta orðin mjög vinsæl gönguleið hvort sem er fyrir ferðamenn eða heimamenn. Girðing er ofan á görðunum og hef ég heyrt í fólki sem er lofthrætt að það sé mikið öryggi fyrir það að hafa girðinguna.

Vonandi fer þessum framkvæmdum að ljúka í Bolungarvík því það er mikill munur að búa við þetta öryggi sem varnargarðarnir veita.

Það að þurfa ekki að yfirgefa heimili sitt þegar veður eru hvað verst og vályndust er mikill munur. En þetta þekkjum við margir íbúar á Siglufirði.

Varnargarður enn í smíðum

Man United ríkisstyrkt félag

Í gærkvöldi samþykkti Bandaríkjastjórn að leggja AIG til 30 milljarða dala til viðbótar úr opinberum sjóðum en áður hefur fyrirtækið fengið 150 milljarða dala.

Ætli þeir fari ekki að stoppa auglýsingasamninginn við Man United, annar heyrði ég flotta skýringu á þessu með AIG þegar ég var á leik í Manchester borg fyrir nokkur síðan.....

A= Alex

I= is

G= going

62 milljarða dala tap

Ljósið í myrkrinu

Þetta eru góðar fréttir og hvet ég Össur til að halda áfram á sömu braut. Ef rétt reynist þá er komin vísir að nýjum atvinnutækifærum og aukinni tekjuöflun fyrir hnípna þjóð.

Ef tilvill er þetta ljósið í myrkrinu, við skulum vona að svo sé.

Auknar líkur á olíu á Drekasvæðinu

Af hverju tók Geir H ekki mark á Davíð?

Ég skil ekki af hverju Geir H og Ingibjörg Sólrún hlustuðu ekki á varnarorð Davíðs, hafa Sjálfstæðisflokkurinn og Samfylkingin eitthvað gruggugt í sínum pottum sem orsaka það aðgerðaleysi sem raunin varð.

Davíð benti einnig á að ráðlegt væri að koma á þjóðstjórn en enn var ekki hlustað á hann, getur verið að persónuleg áhrif Ingibjargar og þá líka Geirs í garð Davíðs hafi verið tekin framyfir þjóðarhagsmuni?

Ég hlakka til að hlusta á TRÚÐA þáttinn hjá Inga Hrafni næst þegar þeir sjálfstæðistrúðar sem "drulla" yfir alla aðra en sjálfstæðisflokksfélaga og hafa ennþá trú á að engir aðrir en sjálfstæðisflokksfélagar geti komið þjóðinni úr þeim hörmungum sem svo einkennilega vill til að þeir hinir sömu komu henni í. Það verður eflaust fróðlegt eða hitt þá heldur umræðuefnið í næsta TRÚÐA þætti á ÍNN....

SÍ varaði í febrúar við hruni í október

Konur takið ábyrgð

Er ekki orðið tímabært fyrir konur að taka á þessum málum á eigin forsendum það er orðið úrelt að kenna einhverju karlaveldi um það að konur nái ekki og séu ekki í pólitík í eins miklum mæli og margar konur vildu.

 Konur sitja að jafnaði skemur á þingi en karlar hver er skýringin á því hefur það verið "rannsakað" ?

"Siv Friðleifsdóttir, formaður þingflokks Framsóknarflokksins, sagði í erindi sínu á fundinum að hún hefði talsverðar áhyggjur af stöðu kvenna í stjórnmálum. Þó að margar konur vildu taka þátt sæktust þær ekki eftir oddvitasætum í nægilegum mæli. Í síðustu kosningum leiddu aðeins sjö konur lista á öllu landinu. Siv sagði það vera ógnvænlega stöðu og lagði áherslu á að fólk þyrfti að veita konum framgang í pólitík."

Ég tek undir með Siv að það er áhyggjuefni að konur vilji ekki taka oddvitasæti í nægilegum mæli, en hver er ástæðan verður það ekki alltaf persónubundið hefur það eitthvað að gera með kynferði ég held ekki?

Ég vil benda á að það eru til dæmis nokkrir bæjarstjórar og borgarstjóri sem eru kvenkyns og er það hið besta mál, tel ég að þær vinni sín störf ekkert ver frekar en karlkyns kollegar.

Er þetta ekki orðin þreytt umræða karlar eru svona margir í þessum störfum en konur ekki?

Á móti má þá ekki spyrja hvort að alltof margar konur eru í kennara og leikskólastörfum?

Konur sitja skemur á þingi en karlar

Flugfélag Íslands TILBOÐ hvar eru þau???

Ég er á netfangaskrá hjá Flugfélagi Íslands eins og svo margir aðrir geri ég ráð fyrir.

En nú hef ég ákveðið að hætta á þessum lista, ástæðan er einföld það koma TILBOÐ reglulega sem er gott en nú hef ég lent í því margoft að um leið og póstur hefur borist þá hef ég skoðað möguleika á  ódýru fargjaldi.

Nú var að berast tölvupóstur um til boð og viti menn á sömu mínútu og tilboð berst þá er ekkert laust á "góðum verðum"

 

Tekið af heimasíðu Flugfélagsins.

 

Forsíða

 

Brottför Reykjavík - Akureyri 23.2.200924.2.200925.2.200926.2.200927.2.200928.2.20091.3.2009

Brottför	Koma	Flugtími	Flugnr	Flugvél	Forgangur skilmálar	Ferðasæti skilmálar	Sparsæti skilmálar	Bónussæti skilmálar	Netfargjald skilmálar	Nettilboð skilmálar	Sértilboð skilmálar
07:15	08:00	0:45	NY-112	F50	14.090 ISK	11.370 ISK	Ekkert laust	Ekkert laust	Ekkert laust	Ekkert laust	Ekkert laust
10:30	11:15	0:45	NY-122	F50	14.090 ISK	11.370 ISK	Ekkert laust	Ekkert laust	Ekkert laust	Ekkert laust	Ekkert laust
13:00	13:45	0:45	NY-132	F50	14.090 ISK	Ekkert laust	Ekkert laust	Ekkert laust	Ekkert laust	Ekkert laust	Ekkert laust
15:30	16:15	0:45	NY-134	F50	14.090 ISK	11.370 ISK	Ekkert laust	Ekkert laust	Ekkert laust	Ekkert laust	Ekkert laust
17:45	18:30	0:45	NY-142	F50	14.090 ISK	11.370 ISK	Ekkert laust	Ekkert laust	Ekkert laust	Ekkert laust	Ekkert laust
18:45	19:30	0:45	NY-162	DH8	14.090 ISK	11.370 ISK	Ekkert laust	Ekkert laust	Ekkert laust	Ekkert laust	Ekkert laust

 

 

Sennilega hjartastopp og svo má æfa sig á Hermanni

Ekki auðvelt að vera Hermann í dag ;-) 

Hermann verður fluttur frá Landspítala Háskólasjúkrahúsi á morgun með sjúkrabifreið yfir á Háskólatorg. Flutningarnir munu verða strax upp úr hádegi og má reikna með ýmsum uppátækjum í Hermanni.

Eins og gefur að skilja má reikna með að slíkur flutningur reyni mjög á Hermann sem getur rétt eins þóst fá mikla verki og jafnvel að hann fái fyrir hjartað blessaður, segir Jón Örn Guðbjartsson, markaðs- og kynningarstjóri Háskóla Íslands. „Fari svo að hjartað í Hermanni stöðvist, sem er alveg eins líklegt, er sem betur fer hersing hjúkrunarfræðinga og lækna til staðar í Háskólatorgi vegna námskynningarinnar í Háskólanum á morgun," segir Jón Örn.

Hann segir að sjúkraflutningamennirnir séu líka sérmenntaðir til að glíma við bráðatilvik og muni þeir án efa sýna snör viðbrögð. „Ég hvet alla til að koma og fylgjast með því hvernig bráðaliðið mun í heild sinni bregðast við uppgerðinni í Hermanni, en hann leikur þetta svo vel blessaður að það lætur nærri að hann sé lifandi... og dauður," segir Jón Örn

Annars segir Jón Örn að á bak við Hermann búi talsverð alvara þótt það megi líka brosa af tilburðum hans. Hjúkrunarfræðideild Háskóla Íslands notar Hermann, sem er afar flókið tæki og eftirlíking af manni og/eða konu í fullri líkamsstærð, til að meðhöndla óteljandi sjúkdóma.

Kannski að gestir í HÍ á laugardag fái að æfa sig eilítið á Hermanni, hver veit.