Hjól atvinnulífsins rúlla úr landi,,,,

Ef þetta er ekki áhyggjuefni þá veit ég ekki hvað, ég velti líka fyrir mér hvort að við sem þjóð höfum efni á því að vera með fordóma gagnvart ákveðnum atvinnugreinum.

Ég vil að allir möguleikar á atvinnu verði skoðaðir og að sjálfsögðu verðum við að gæta varúðar gagnvart náttúrunni.

tekið af vef pressan.is

Fyrrverandi formaður Viðskiptaráðs:  Mörg íslensk fyrirtæki á leið úr landi

 

Forstjóri Primera Air segir að íslensk fyrirtæki njóti einskis trausts í útlöndum, hvergi sé hægt að fá lánafyrirgreiðslu og helst þurfi að staðgreiða allt. Fyrirtækið hyggist flytja úr landi til Danmerkur og fleiri stór fyrirtæki íhugi að gera slíkt hið sama.

Þetta segir Jón Karl Ólafsson, forstjóri Primera í samtali við RÚV. Hann segir  gjaldeyrishöft, kröfu um fyrirgreiðslu og vantraust í garð Íslendinga gera mörgum fyrirtækjum óbærilegt að starfa hér á landi.  Íslensk fyrirtæki njóti lítils trausts. Primera Air vinni mest á erlendum mörkuðum og fyrirtækið

 sæki sér meira traust með því að flytjast  úr landi og í skjólið sem fáist á stærri markað.

Jón Karl, sem áður var formaður Viðskiptaráðs Íslands, segir útlendinga gera þá kröfu að Íslendingar greiði allt fyrir fram og traustið sé lítið sem ekkert. Hvergi sé hægt að fá lánafyrirgreiðslu og liggi við að borga þurfi fyrir vélar áður en flogið sé af stað, því menn treysti því ekki lengur að lána peninga til fyrirtækja og hafi illan bifur á íslenskum fyrirtækjum.

Hann segir fleiri stór íslensk fyrirtæki íhuga að flýja land og koma sér í stærra skjól.

Hey Hanna jó Hanna

Getur verið að stjórnarflokkarnir þori ekki að birta skýrsluna? það hefur heyrst að nú þegar liggi fyrir tillögur frá forsætisráðherra að stórkostlegur niðurskurður sé yfirvofandi í ríkisrekstrinum og fara á í hann strax að kosningum loknum.

Af hverju kemur greiðslan ekki frá AGS?

Það þarf að skera (hagræða) í ríkisrekstrinum um 180 MILLJARÐA hvernig verður það gert?

 

 

Sigmundur Davíð spáir öðru hruni

Er Ásta Ragnheiður að kaupa sig þarna inn á þing?

Frábær tímasetning hjá Ástu Ragnheiði, eru ekki fleiri ráðherra Samfylkingar að lofa einu og öðru loforðalistinn er langur nú skal splæsa úr ekki svo "gjaldþrota" þjóðarbúi að mati viðskiptaráðherra. Hann getur sennilega ekki sagt annað miðaða við sumargjafirnar hjá samráðherrum félagshyggjuflokksins.

Tæpum milljarði úthlutað úr Framkvæmdasjóði aldraðra

Með og á móti

Þetta útspil Kolbrúnar Harðardóttur er ég ekki að skilja, svo kom stuttu seinna yfirlýsing frá flokknum hennar þar sem hún var endanlega "jörðuð".

Öllum er okkur í fersku mynni aðgerðaleysi fyrri ríkisstjórnar sem var með mikinn meirihluta á þingi, en mjög ólíkar skoðanir á mörgum málum.

Öll munum við líka eftir því hvað mikill tími fór í að sætta ólík sjónarmið og á meðan var klakinn að bráðna, fyrirtæki heimili og þjóðin öll í upplausn.

Ég hef af því áhyggjur ef VG og S mynda hérna ríkisstjórn þá fari alltof mikil orka í að sætta sjónarmið og semja um mikilvæg mál sem þola enga bið.

Áhyggjur þessar hef ég að fenginni reynslu.

tekið af vef visir.is

Minnir að mörgu leiti á fyrri ríkisstjórn þar sem Samfylkingin var við stýrið.

Vinstri grænir segjast ekki vera á móti olíuleit á Drekasvæðinu þrátt fyrir að umhverfisráðherra flokksins hafi lýst því yfir í gær. Iðnaðarráðherra segir engan ágreining í ríkisstjórninni varðandi olíuvinnslu.

Í kvöldfréttum Stöðvar 2 í gær spurðum við Kolbrúnu Halldórsdóttur, umhverfisráðherra, út í fyrirhugaða olíuleit á drekasvæðinu. Svör ráðherrans voru afdráttalaus. Olíuvinnsla er í andstöðu við hugmyndafræði vinstri grænna um sjálfbæra þróun, sjálfbæra orkustefnu og sjálfbæra atvinnustefnu.

„Við þurfum á öllum okkar mannauði að halda til þess að tryggja að við náum að standa upp aftur og reisa okkur við á nýjan leik. Þá er það ekki í mínum huga að fyrstu ákvarðanir séu svona stórar og groddalegar eins olíuvinnsla á Drekasvæðinu óneitanlega er."

Klukkutíma eftir að þessi ummæli fóru í loftið var komin yfirlýsing frá vinstri grænum. Þar segir að Vinstrihreyfingin - grænt framboð leggist ekki gegn olíuleit á Drekasvæðinu. Flokkurinn setji fyrirvara um umhverfisáhrif og mengunarvarnir við mögulega olíuleit og olíuvinnslu eins og í öllum öðrum málum, en þingmenn flokksins styðji hugmyndir um þjónustumiðstöð fyrir olíuleit á norðanverðum Austfjörðum.

Skömmu síðar barst einnig yfirlýsing frá Kolbrúnu þar sem hún dró heldur í land. Í yfirlýsingu hennar er það áréttað að þingflokkur Vinstrin grænna hafi ekki lagst gegn olíuleit á Drekasvæðinu. Efasemdir hennar um málið sé aðallega tilkomnar vegna þess hve illa að því var staðið inn á þingi. Málið hafi verið illa kynnt og mikilvægir aðilar hafi ekki hafðir með í ráðum.

Össur Skarphéðinsson, iðnaðarráðherra, sagði í umræðuþætti á Stöð 2 í gær að ágreiningur um olíuleit hafi ekki komið upp í ríkisstjórninni.

„Út af fréttinni með Kolbrúnu Halldórsdóttur höfum við í kreppunni verið að bjóða út fyrstu leyfin á Drekasvæðinu. Ég held að sú ágæta kona hafi ekki skilið málið rétt," sagði

Þá sagði Össur að ekki hafi verið neinn ágreiningur um olíuvinnslu í ríkisstjórninni.

 

 

Tíminn kominn út

Ég fagna þessu framtaki og las ég Tímann með morgunkaffinu í morgun, áhugavert að lesa það sem Steingrímur Hermannsson skrifar og margt fleira.

Slóðin er hérna http://www.framsokn.is/files/Timinn1.pdf

 

Dagblaðið Tíminn var um áratugaskeið gefinn út af Framsóknarflokknum og verður nú gefinn út nokkrum sinnum í aðdraganda kosninga. Fyrsta blaðinu verður dreift með Fréttablaðinu í dag og með pósti til þeirra sem ekki fá Fréttablaðið reglulega. Blaðið verður einnig aðgengilegt hér á heimasíðu flokksins.

Meðal efnis eru upplýsingar um fjármál Framsóknarflokksins og frambjóðenda, fréttaskýringar um 20% leiðréttingu húsnæðislána og stjórnlagaþing, kynning á frambjóðendum, upplýsingar um viðburði framundan, auk greina eftir frambjóðendur, m.a. fyrrverandi formann flokksins, Steingrím Hermannsson.

Loka sprenging í Héðinsfjarðargöngum í dag,,,

Héðinsfjarðargöng loka sprenging.   

Nú, þann 9. Apríl, verður hátíð í Fjallabyggð vegna loka sprengingar  Héðinsfjarðarganga. Þá verður haldið upp á þann áfanga að náðst hefur að sprengja göng í gegn milli Ólafsfjarðar og Héðinsfjarðar, 6,9 km leið. Búið er að sprengja göng milli Siglufjarðar og Héðinsfjarðar 3,7 km og var því verki lokið 3 apríl 2008.Verkið er unnið af Háfelli og tékkneska verktakafyrirtækinu Metrostav. Tugir tékka frá Metrostav hafa unnið við göngin og hafa þeir verið afar vinnusamir og þægilegir á allan máta. Á sínum tíma voru samgöngur til Ólafsfjarðar og Siglufjarðar torsóttar. Úrbót varð árið 1967 þegar Strákagöng voru opnuð til Siglufjarðar og árið 1990 Þegar göng um Ólafsfjarðarmúla voru tekin í notkun. Nú sér fyrir endann á tengingu þessara tveggja byggðakjarna þegar Héðinsfjarðargöng klárast um mitt ár 2010. Frá þeim tíma munu íbúar Fjallabyggðar ekki þurfa að reiða sig á Lágheiðina sem á það til að vera ófær eða torsótt stórann hluta vetrar.   

Mikilvæg samgöngubót. 

Nýju Héðinsfjarðargöngin munu hafa afgerandi jákvæð áhrif á samfélagið í Fjallabyggð og voru í reynd forsenda þess að  þessi fyrrum sveitarfélög á svæðinu sameinuðust í eitt Fjallabyggð. Sú sameining hefur gengið vel fyrir sig en mun ekki nýtast að fullu fyrr en göngin opna. Jarðgöngin munu einnig efla þéttbýliskjarnana við Eyjafjörð sem eitt atvinnusvæði, hafa jákvæð áhrif uppbyggingu framhaldsskóla við utanverðan Eyjafjörð, en tillögu um slíkan skóla flutti Birkir J. Jónsson, alþingismaður,en eitt af fyrstu verkum núverandi menntamálaráðherra Katrínar Jakobsdóttur var að skrifa undir samning um stofnun framhaldsskóla við utanverðan Eyjafjörð með höfuðstöðvar í Ólafsfirði. Reikna má með að framkvæmdir við uppbyggingu skólans geti hafist nú í vor. Að auki munu göngin hafa mjög góð áhrif á ferðaþjónustuna á Norðurlandi öllu. Nú þegar hefur verið unnið að undirbúa samstarf heilbrigðisstofnana á svæðinu og annarra slíkar þjónustu sem veitt er á Siglufirði og í Ólafsfirði. Ljóst er því að göngin skapa nýtt og langþráð sóknarfæri í byggðamálum Tröllaskagans og Eyjafjarðarsvæðisins.  

Eljusamir frumherjar 

Árið 1990 lagði frumherjinn Sverrir Sveinsson, Framsóknarflokki, fyrst fram þingsályktunartillögu um jarðgöng milli Ólafsfjarðar og Siglufjarðar í framhaldi af opnun jarðganga um Ólafsfjarðarmúla. Meðflutningsmenn Sverris að tillögunni voru Halldór Blöndal, Jón Sæmundur Sigurjónsson, Jóhannes Geir Sigurgeirsson, Ragnar Arnalds, Árni Gunnarsson og Pálmi Jónsson. Hafa þessir menn alla tíð stutt göngin af eljusemi. Þótt á engan sé hallað skal einnig nefnt að tveir menn, þeir Halldór Ásgrímsson og Davíð Oddsson, áttu afgerandi þátt í að verkinu var hrundið í framgang. Samgönguráðherrar á hverjum tíma hafa einnig lagt sitt lóð á vogarskálarnar ásamt heimamönnum, nú síðast Kristján L. Möller. Það er að rætast stór draumur og er tilhlökkunin mikil að fá almennilegar samgöngubætur á milli þessara svæða og að Siglufjörður og Ólafsfjörður eru ekki lengur endastöð.    

Hermann Einarsson, bæjarfulltrúi í Fjallabyggð. 

Okurkaup Súrval

því miður þá búum við íbúar Fjallabyggðar og einnig íbúar Dalvíkurbyggðar við það að hafa ekki aðra matvöruverslun en þá er kemur verst út úr þessari könnun.

Verðmunur sem er rúmar sexþúsund krónur á ekki hærri upphæð en rétt um fimmtánþúsund.

Það er nú svo að fólk fer í umvörpum til Akureyrar frá áðurnefndum byggðum til að ná í ódýra matvöru, en um leið þá kaupir fólk aðrar vörur sem er ekkert óeðlilegt en að sama skapi mjög slæmt fyrir þær verslanir í öðrum greinum en matvöru.

En það er nefnilega svo að það eru margar góðar verslanir á þessum stöðum sem bjóða góða vöru á vel samkeppnishæfu verði annað en matvara.

Með komu Héðinsfjarðaganga þá el ég mér þá ósk í brjósti að Krónan nú eða Bónus sjái sér fært að opna verslun á svæðinu við erum að fara að byggja framhaldsskóla í Fjallabyggð Ólafsfirði og það eru ekki nema 18 km frá Dalvík til Ólafsfjarðar og 15 km frá Siglufirði á þessu svæði eru rúm fjögurþúsund íbúar. Svo opnast hringur sem breytir öllum aðstæðum aukning ferðamann á bara eftir að verða osfrv.

 

41% verðmunur á matarkörfunni

Jákvæð frétt frá Siglufirði

Tekið af vef www.sksiglo.is

 Þetta er góð frétt í ljósi þess ástands sem herjar á samfélagið í heild, ég sem viðskiptavinur Sparisjóðs Siglufjarðar frá því ég man eftir mér gleðst mikið yfir þessari frétt og tel þetta afar mikilvægt fyrir íbúa og fyrirtæki í Siglufirði að Sparisjóður Siglufjarðar er í góðum málum.

Sparisjóður Siglufjarðar í örugga höfn

Merki Sparisjóðs Siglufjarðar

Stjórn AFL – sparisjóðs hefur ákveðið að nýta sér heimild í samþykktum sjóðsins til að auka stofnfé sjóðsins um 500 mkr.  Ástæða þessa er að treysta eiginfjárgrunn sjóðsins á þeim erfiðu tímum sem nú herja á íslenskt efnahagslíf.  Í ljósi þessa hefur stjórn sjóðsins einnig tekið ákvörðun um verulegt varúðarframlag í almennan afskriftareikning útlána.

Þá hefur sjóðurinn möguleika á að styrkja eiginfjárstöðuna enn frekar með því að óska eftir 20% eiginfjárfamlagi  frá hinu opinbera.
Nú þegar hafa stærstu stofnfjáreigendur tryggt sölu á allri stofnfjáraukningunni eða 500 mkr. og hafa þegar greitt inn aukið stofnfé.  Aðrir stofnfjáreigendur geta nýtt heimild sína til að auka stofnfjáreign sína í sama hlutfalli.
Ljóst er að mikilvægi sjóðsins er mjög mikið bæði í Siglufirði og Skagafirði.  Með þessari aðgerð er verið að treysta verulega rekstur, samkeppnisstöðu og tryggja sjálfstæði elstu peningastofnunar landsins til framtíðar.

Nánari upplýsingar veitir [e-mail]

 

Allt á kafi

Segja má að vetrarríki sé nú norðan heiða. Í morgun þegar ég fór út þá varð ég að troða snjó uppí mitti eftir þeirri götu sem ég bý við, en það er efst í bænum.

Ég var svo heppinn að á næstu götu fyrir neðan hafði bíll komist eftir götunni og gat maður þá labbað í hjólförunum. Það er ekki mikil fyrirstaða í þessum snjó svona púðursnjór og tekur þetta fljótt upp þegar hlýnar.

Ég hugsa með hryllingi til alls þess kostnaðar sem hlýst af þeim snjómokstri sem leggst á sveitarfélagið, en árið 2008 þá var kostnaður rúmar 22 milljónir og stefnir nú allt í svipað eða ekki meira. Vonandi fer nú að sjá fyrir endann á þessari ofankomu og sólin taki völdin.

tekið af vef Vegagerðar í morgun.

Mikil ófærð og ekkert ferðaveður

Forsetinn í Fjallabyggð

þá er forsetinn á leið í heimsókn til okkar í Fjallabyggð en hann er væntanlegur til Siglufjarðar nk miðvikudag.

Ég velti fyrir mér hvort að búið verði að moka Lágheiðina en samkvæmt áætlun Vegagerðarinnar þá átti að byrja að moka eftir 20 mars.

Forsetinn ætlar að fljúga frá Reykjavík til Akureyrar að morgni miðvikudags og keyra síðan til Siglufjarðar og dvelja þar til loka dags heimsækja fyrirtæki og stofnanir síðan fara til Dalvíkur og gista þar.

Daginn eftir á síðan að heimsækja fyrirtæki og stofnanir í Dalvík og Ólafsfirði, skemmst er þess að minnast að tvær konur úr bæjarstjórn létu sig hafa það að fara yfir Lágheiði á snjósleðum til að mæta á bæjarstjórnarfund og tók ferðalagið rúma klukkustund í stað þess að keyra lengri leiðina og tekur það um þrjár klukkustundir, þetta eru aðstæður sem við búum við þegar styttri leiðin er ekki fær en hún er ekki nema 60 km.

Ég velti fyrir mér hvort að heimsókn forseta komi til með að skila einhverju til okkar þá er ég að meina atvinnulega séð?

Í allri þeirri umræðu og öllu því hruni sem er að eiga sér stað á vinnumarkaðinum þá minnist ég þess að á síðastliðnum 10-15 árum þá hafa lagst af rúm 300 störf í sjávarútvegi og honum tengdum bara á Siglufirði.

Við þekkjum það hérna að niðursveiflan hefur verið gríðarleg og atvinnuleysi var hér áður mikið, en nú í allri svartsýnis umræðu þá eru blikur á lofti ný fyrirtæki eru að fara af stað skipum er að fjölga og framhaldsskóli verður reistur og starfsemin hefst í haust, segja má að horfur séu bjartari en verið hafa undanfarin ár.

En ljóst er að á Siglufirði er ekki að koma "stór" vinnustaður eins og var hérna áður fyrr eins og var þegar Síldarverksmiðjum ríkisins eða annað í þeim dúr starfaði, en fleiri smærri fyrirtæki eru að skjóta rótum og er það ekki slæm þróun að mínu mati.

Fyrir rúmu ári síðan þá var unnin skýrsla af sveitarfélaginu fyrir Forsætisráðuneytið um atvinnuástandið og tækifæri í sveitarfélaginu, það átti að vinna í þessu í septemberbyrjun á síðasta ári en svo kom bankahrunið og allt sem því fylgdi.

Nú hefur aftur kviknað ljós og blikur á lofti dusta skal rykið af skýrslunni og vinna sett í gang það eru mjög góðar fréttir og er ég þess full viss að þetta eigi eftir að skila nýjum störfum í Fjallabyggð áður en langt um líður.

Tekið að vef Fjallabyggðar

Forseti Íslands, hr. Ólafur Ragnar Grímsson, heimsækir Fjallabyggð og Dalvíkurbyggð í vikunni.

Forsetinn verður á Siglufirði á miðvikudag, í Dalvíkurbyggð fyrri part fimmtudagsins og í Ólafsfirði seinni partinn. Hann mun heimsækja fræðslustofnanir, menningarstofnanir, öldrunarstofnanir og valin fyrirtæki í sveitarfélögunum tveimur.