Heilsuspillandi umhverfi

Þetta er grafalvarlegt mál að mínu mati, getur þetta þýtt að verð á íbúðum í Lindarhverfi, Norðlingaholti og Hveragerði falli í verði.

Það hlýtur að vera áhyggjuefni ef íbúðahverfi eru orðin heilsuspillandi vegna mengunar frá virkjunum, ég man ekki eftir miklum mótmælum við Hellisheiðavirkjun þegar ráðist var í þær framkvæmdir.

Var það vegna þess að virkjunin var of nálægt þeim sem hafa haft sig hvað mest í frammi þegar virkjanaframkvæmdir voru á hálendinu?

 

 

Brennisteinsvetnismengun við heilsuverndarmörk

Athugasemdir

[Hólmfríður Bjarnadóttir, 6.2.2009 kl. 22:53]

Ég tel að of snemmt sé að fullyrða um fall á fasteignaverði og því um líkt. Verið er að þróa búnað til að bregðast við þessari mengun og ég er viss um að okkar frábæru vísindamönnum tekst að sigrast á þessu innan tíðar. Svona mál eru oftar en ekki blásin upp. Það þýðir ekki að við verðum að halda vöku okkar og það munum við gera.

[Leó R. Ólason (IP-tala skráð) 7.2.2009 kl. 06:33]

Beindust ekki sjónir flestra að Kárahnjúkum á svipuðum tíma og framkvæmdir stóðu yfir á Hellisheiði? Þær féllu ef ég man rétt að mestu leyti í skuggann af allri þeirri gríðarlegu umræðu sem var í gangi vegna hinna óafturkræfra framkvæmda á náttúru landsins á hálendinu eystra. En þar segir af náttúruperlu sem fáir höfðu reyndar vitneskju um að væri til og áttu jafnvel erfitt með að berja augum, því mjög erfitt var að komast þangað áður en farið var að undirbúa virkjun þar upp frá. Mig rekur minni til þess að þegar sjónir mann fóru loksins að beinast upp að Hellisheiði, hafi röksemdafærslan og réttlætingin gengið út á að hér væri farið vel að náttúrunni. Ekkert væri gert sem kallast gæti óafturkræft. Öll mannanna verk mætti auðveldlega afmá og fjarlægja væri vilji til þess á annað borð og eftir stæði þá allt eins og ósnortið. Þetta keyptu flestir og tiltölulega lítið var um mótmæli. Ég man hins vegar ekki eftir neinum varnaðarorðum vegna hugsanlegrar mengunar af völdum brennisteinsvetnis. Vissi enginn neitt eða þögðu þeir þunnu hljóði sem vissu?