Meirihlutinn að springa?

 Áróðursmeistarinn Björn Valur Gíslason fer með rangt mál.

það er svo sem ekki í fyrsta skipti sem BVG fer með hreinar fleipur, maður hlýtur að spyrja sig hvort að maður sem nú er varaþigmaður VG sé traustsins verður?

Eftir að hafa skoðað þessi skrif hans þá er aðeins eitt um þau að segja ÓSANNINDI

Ég tel að BVG ætti að kynna sér málið aðeins betur áður en hann slær slíkum fullyrðingum fram að hæfasta umsækjanda hafi verið hafnað og fjölskyldan flutt úr bænum eru hrein ósannindi.

Hið rétta er að hæfasti umsækjandinn um starfið í skarðinu dró umsókn sína til baka og fjölskyldan býr á staðnum, en þess skal getið að umsækjandinn sem heitir Úlfur Guðmundsson var ráðin til starfa á Ísafirði við uppbyggingu á skíðasvæðinu þar.

Varðandi meirihlutasamstarfið þá gengur það mjög vel og þar er unnið saman að heilindum, kannski er það eitthvað sem BVG þekkir ekki spyr sá er ekki veit?

 

 

Það hriktir nú í meirihlutasamstarfi sjálfstæðismanna og framsóknar í
bæjarstjórn Fjallabyggðar. Óánægja framsóknarmanna með samstarfið er nú
komið á það stig að í alvöru er talað um samstarfsslit og myndun nýs
meirihluta. Upp úr sauð á milli flokkanna um áramótin vegna starfsmannamála
þegar ráðið var í stöður hjá höfninni og skíðasvæðinu á Siglufirði. Aðila
sem áður hafi unnið gott starf við skíðasvæðið á Siglufirði var hafnað
ráðningu sem varð til þess að hann ásamt fjölskyldu sinni flutti úr bænum.

Samfylkingin í útrás og samgönguráðherra ratar ekki heim?

Tekið af heimsíðu Samhristings.

Samfylkingin byrjar nýja árið með myndarlegri fundaherferð um land allt.  Ráðherrar og þingmenn flokksins bjóða til opinna funda í öllum kjördæmum dagana 8. til 13. janúar þar sem fjallað verður um aðgerðir Samfylkingarinnar í ríkisstjórn

það sem vekur undrun mína er það að ekki á að funda við utanverðan Eyjafjörð t.d. Dalvíkurbyggð eða í heimabæ KLM Fjallabyggð nei nei Akureyri og Húsavík eru þeir fundarstaðir sem fundað er á og svo verður fundað á Blönduósi en ekki á Sauðárkróki en þar er nú Samfylkyngin í meirihluta sveitastjórnar svo dæmi sé tekið.  

Óska ég Húsvíkingum og Akureyringum alls hins besta með að fá ráðherra og þingmenn til að svara kosningaloforðum sínum, en því miður þá er Einar Már á Húsavík og Össur og svo hin fjallmyndalega Katrín Júlíusdóttir, en KLM er bara á Akureyri ásamt Einari, hvernig ætli standi á því?

Bara svona að lokum þá hvet ég fyrirspyrjendur um að nefna þessar svokölluðu mótvægisaðgerðir, en þær eru alveg týndar allavega hvað varðar utanverðan Eyjafjörð.

 

 

FJÁRHAGSÁÆTLUN FJALLABYGGÐAR 2008

Sjá www.fjallabyggd.is Þetta er metnaðarfull fjárhagsáætlun sem var samþykkt samhljóða og er ég stoltur af að taka þátt í þessum verkefnum sem framundan eru.

Fjárhagsáætlun Fjallabyggðar fyrir árið 2008 var samþykkt 18. desember s.l. Samkvæmt henni verður rekstrarniðurstaðan jákvæð um 104 milljónir króna þetta árið. Áætlað er að handbært fé verði 366 milljónir í lok árs 2008 sem er 23% af heildartekjum.

Áætlaðar eru framkvæmdir fyrir um 244 miljónir á árinu 2008. Ljúka á við stækkun leikskólans í Ólafsfirði. Kaupa á snjótroðara fyrir skíðasvæðið á Siglufirði og halda á áfram framkvæmdum við gatnagerð, vatnsveitu, fráveitu, hafnir, auk viðhalds og uppbyggingu á ýmsum eignum bæjarins.

Stærsti einstaki þátturinn innan áætlunarinnar eru 65 miljónir sem ætlaðar eru til byggingaframkvæmda við framhaldsskóla með höfuðstöðvar í Ólafsfirði. En nýverið auglýsti Menntamálaráðuneytið eftir verkefnisstjóra sem ætlað er að vinna að undirbúningi að stofnun framhaldsskólans í samvinnu við stýrihóp sem menntamálaráðherra skipaði á árinu 2007

Áætlun ársins 2008 ber með sér að sveitarfélagið er að auka verulega við framkvæmdir frá árinu 2007 og er það m.a gert til eflingar atvinnulífs í Fjallabyggð en áhrifa kvótaskerðingar er þegar farið að gæta á atvinnumarkaði Fjallabyggðar.

 

 

Norðurslóðaáætlun Evrópusambandsins – Þjóðlagasetur Sr. Bjarna Þorsteinssonar

Það er gott að hafa kraftmikinn einstakling eins og Gunnstein Ólafsson frumkvöðul og forsvarsmann Þjóðlagaseturs Sr. Bjarna Þorsteinssonar, en hann sendi erindi til bæjaryfirvalda þess efnis að sveitarfélagið gerðist bakhjarl verkefnisins og var það samþykkt með ölum atkvæðum kostnaður er áætlaður um 900 þúsund.

þarna er glæsileg framtíðarmúsík sem vert er að styðja með öllum þeim tækjum og tólum sem okkur er unnt. En þetta verkefni nefnist gagnagrunnur þjóðlaga og þjóðdansa við norðanvert Atlantshaf.

Fleiri jákvæðar fréttir úr Fjallabyggð það er búið að skrifa undir ráðningasamning við skipulags og byggingafulltrúa sem verður búsettur á Siglufirði, skrifað er undir samninginn með fyrirvara um samþykki bæjarstjórnar.

 

Heimsókn í borg óttans

Átti leið til borgar óttans sl föstudag, var að skutla yngir geimsteininum til síns heima eftir langt og gott frí á Sigló. Ég geri eins og svo margir aðrir sem leið eiga í borg óttans heimsæki vini og ættingja en síðast og ekki síst þá er farið niður Laugarveginn.

það hefur verið hefð að fara Laugaveginn hvort sem er gangandi eða keyrandi nú síðast keyrandi. og verð ég að segja að þetta veggja krot er alveg ömurlegt þetta er engum til sóma og ekki er þetta list það held ég að sé alveg ljóst, annars er erfitt að skilgreina list samanber listamanninn sem svelti hundinn sinn úti í horni til bana á sýningu sinni og var þetta kallað gjörningur.  Já sér hver er nú gjörningurinn segi ekki meir.

það er orðið skrýtið þegar meiri snjór er í Borgarfirði og Húnavatnssýslum heldur en á Siglufirði, það var skrýtið að keyra í slabbi og krapa alt frá Borgarnesi og norður fyrir Hofsós og koma svo út á ystu annes og allt autt já það er undarlegt veðrið undanfarið kannski er þetta bara veðurgjörningur hver veit.

Búið að brenna upp jólin og var gaman að koma í bæinn í gærkvöldi verið að kveikja í brennu og glæsileg flugeldasýning hjá Kiwanismönnum á staðnum síðan var slegið upp grímudansleik hafi þeir þakkir fyrir.

 

Danskurinn í slæmum málum....

Frétt á RUV

Danskir kv.prestar lagðir í einelti

"Danska kirkjan ætlar að grípa til róttækra aðgerða í því skyni að uppræta einelti gegn kvenprestum í landinu. Eineltið hefur verið mjög útbreitt þótt lítið hafi verið um það rætt þangað til nú.

Fyrir rúmri viku birti dagblaðið Politiken niðurstöður úr könnun sem blaðið lét gera meðal danskra kvenpresta. Niðurstöðurnar voru sláandi og vöktu mikla athygli. Einelti gegn dönskum kvenprestum er mjög útbreitt og birtist með ýmsu móti.

Karlprestar neita að þjónusta undir sama þaki, neita að leggja hönd á helga bók ef kvenprestur hefur snert hana svo eitthvað sé nefnt. Þrjár af hverjum fjórum konum í prestastétt hafa orðið fyrir alvarlegu aðkasti frá körlum í stéttinni, sumar þeirra frá fyrsta starfsdegi."

Hvað er að gerast með frændur vora Dani þetta er alveg ótrúleg afturhaldssemi svo ekki sé meira sagt, hvernig ætli ástandið sé á klakanum?

 

Allir blandarar landsins gangsettir STRAX í dag

Gleðilegt ár kæru lesendur, þá er komið af því að öll áramótaheitin eru sett í gang, það dró niður í öllum vélum hjá Landsvirkjun í morgun þegar Build-up og öll fæðubótaefnin voru blönduð í þeim 200,000 blöndurum sem til eru í landinu.

Alveg merkilegt hvað við erum öflug svona allavega fyrstu viku ársins.

Megi nýtt ár verða þurrara og sólríkara en það síðasta og atvinnutækifærum á landsbyggðinni fjölga.