Listamannalaun/verkamannalaun

Er ekki komin lausnin á vanda verkamannsins sem er að missa vinnuna hringinn í kringum landið? Setjum hann á listaverkamannalaun í svona 1-3 ár er það ekki bara sanngjarnt?

tekið af visir.is

Úthlutunarnefnd listamannalauna hefur úthlutað starfslaunum til listamanna fyrir árið 2008. Þremur rithöfundum var úthlutað starfslaun í þrjú ár, þeim Andra Snæ Magnasyni, Einari Má Guðmundssyni og Kristínu Steinsdóttur.

3 ár (3)

Andri Snær Magnason
Einar Már Guðmundsson
Kristín Steinsdóttir

1 ár (12)

Guðrún Eva Mínervudóttir
Gyrðir Elíasson
Hallgrímur Helgason
Ingibjörg Haraldsdóttir
Jón Kalman Stefánsson
Linda Vilhjálmsdóttir
Pétur Gunnarsson
Sigrún Eldjárn
Sigurjón B. Sigurðsson (Sjón)
Steinar Bragi Guðmundsson
Þórarinn Eldjárn
Þórunn Erlu-Valdimarsdóttir

Fundur og síðan takka óður fjandi

það var bæjarráðsfundur nr. 80 í dag hjá Fjallabyggð það voru mörg skemmtileg mál á dagskrá að vanda en það var líka mjög erfitt mál. Það sem hefur komið mér einna mest á óvart í þeirri vinnu að vera í sveitarstjórnarmálum er hversu fjölbreitt landslagið er oft á tíðum. Þetta er sko skóli lífsins það er alveg ljóst.

Það upplýsist á morgun stór ákvörðunartaka sem tekin var í dag varðandi skíðasvæðið í Fjallabyggð. Vonandi verða sem flestir sáttir við þá ákvarðanatöku okkar.

Eftir fundinn sem stóð ekki nema í rúma þrjá tíma þá fór ég að aðstoða fullorðan frænku mína sem býr hérna í bænum, en hún var að fá sér Stöð2 og þar af leiðandi afruglara og það er sko ekki lítið mál skal ég segja ykkur.

Allavega frænka vildi helst hafa eina fjarstýringu fyrir allt "draslið" eins og hún orðaði það nú hófst þá samþætting á fjarstýringum og gekk það vel, en nú tók við námskeið og eftir svolítinn tíma þá kom þetta nú allt saman. Ja það var nú miklu einfaldara hérna í gamla daga með þessi tæki öll hvort heldur var útvarpið eða sjónvarpið að sögn frænku.

Það kom uppí hugann saga sem ég heyrði af ungri stúlku sem horfði á móður sína setja vínyl plötu á fóninn og sú stutta átti ekki til orð og svo þegar mamman snéri plötunni við þá var henni allri lokið, þetta segir okkur kannski hvernig tæknin breytist ört og þessi unga kynslóð sem er alin upp við tölvur og tómstundartæki á auðvelt með takkana, en hin sem eldir eru og ólust upp við eina útvarpsstöð og eina sjónvarpsstöð lifa á ólíkum tímum.

En svona rétt í lokin þá er hugur minn hjá starfsmönnum okkar sem fóru í austurbæinn (Ólafsfjörð) til að vinna en þau fóru frá Sigló seinnipart í gær vegna veður en þetta eru tæpir 500 km fram og til baka, án efa lengsta leið landsins á milli bæjarhluta, og jafnvel þó víðar væri leitað. Veðrið er nú ekkert sérstakt þessa daganna svona alvöru norðan átt vonandi gengur þeim vel á leiðinni heim.

NORÐANGADDI

Í norðangadda og næðingi

ég settist niður að snæðingi

með hákarli og harðan fisk

ég setti þetta á minn disk

hríðin er bölvanleg og vindagnauð

það hriktir í kofa og sálin er dauð

Skildi verða ófærð og allt á kaf

eða hríðin hún fjúki út á haf

 

 

 

 

 

Spaugstofan fyndin eða ekki fyndin

Aristóteles hafði þessi orð um fyndni..........

Aristóteles segir að eldri höfundum skopleikja hafi þótt „skammarlegar ærumeiðingar fyndnar, en yngri höfundar töluðu undir rós. Það er mikill munur á velsæmi þessa tvenns.“ (SN4.8, 1128a23-25. Þýð. SHS) Aristóteles nefnir skammarlegar ærumeiðingar sem dæmi um það sem er ekki fyndið og ætti ekki að hlæja að. Það er eitt að hlæja að fólki og annað að hlæja að einhverju ópersónulegu til dæmis hugmynd eða kenningu. Slíkt er ekki eins særandi. Að sjálfsögðu ætti samt að gæta hófs því það væri ekki við hæfi að veltast um af hlátri þótt hlegið sé að hugmynd frekar en manneskju. Aristóteles segir að trúðurinn sé hins vegar „þræll eigin fyndni og hlífir hvorki sjálfum sér né öðrum sjái hann færi á brandara, og segir hluti sem enginn kurteis maður segði nokkru sinni né hlustaði á ef sagt væri við hann.“ (SN4.8, 1128a33-1128b1. Þýð. SHS) Trúðurinn kann ekki að rata meðalhófið í fyndninni og er auk þess svo smekklaus að hann gerir grín að öðru fólki ef hann sér færi á því.

Hvað ætli spaugstofu frænda þyki um þetta?

Frumsamið kjaftæði

Heimurinn er á leið helvítis til

það gneistar af valda stólum

er þetta það ástand sem kjósandi vil

þessu er stjórnað af fólum.

 

Já svona er nú staðan í kvöld, en öll él birtir upp um síðir eins og segir einhverstaðar

 

 

 

 

 

 

 

 

 

 

 

Fréttamaður með neikvæða ímynd

Það var gaman að sjá fréttir á Rúv í kvöld þar sem að Karl Eskill var að segja frá og sýna myndir af því að loks sást til sólar á Hvanneyri prestsetrinu í Siglufirði aftur eftir 75 daga.

Það sem að ég heyrði marga vera að velta sér uppúr því hvað Karl og Co að gera í dag er eitthvað neikvætt í gangi, hann er varla bara að koma og mynda börnin syngja um sólina það hlýtur að vera eitthvað annað í gangi?

Ég hef nefnt áður á bloggi mínu að Karl Eskill hefur að margra mati verið mjög iðinn við að flytja neikvæðar fréttir af svæðinu, og þar af leiðandi er Þessi stimpill kominn. (Tilnefndur sem ekki fréttamaður ársins 2007)

Nú er bara að bíða og sjá hvort að þetta hafi ekki bara verið jákvæð og skemmtileg frétt sem Karl og co var að flytja af svæðinu. ég bíð spenntur eins og svo margir aðrir.

Sólardagurinn á Sigló

Tekið af vef www.wksiglo.is

Fyrsti sólardagur á Siglufirði er í dag.
Þó svo að ekki sæi til sólar í dag vegna skýjafars, þá voru vinkonurnar hjá Sjálfsbjörg á fullu við að baka pönnukökur frá því snemma á morgun og höfðu vart undan, þar sem heita má að allir vinnustaðir kaupi pönnukökur handa starfsliði sínu hjá þeim með morgunkaffinu þennan dag.

Pönnukökurnar bregðast ekki hjá þeim Sjálfsbjargarkonum það er alveg ljóst þessi dagur hefur alltaf verið okkur kær þó svo að ekki sjáist til sólar í dag þá verður hennar vart áður en langt um líður.

Veðurmaðurinn Hafliði

Horfði á þátt Jóns Ársæls reyndar var þátturinn byrjaður þegar ég kom að skjánum. Gaman að hlusta á Hafliða þar sem að hann var að lýsa æskuárunum á Sigló sumrin með logninu og hljóðinu í æðarkollunum.

Ég man eftir Hafliða þegar hann var að koma og heimsækja frændur sína KAMBARANNA mér fannst einkar skemmtilegt að heyra þennan hláturmilda mann lýsa vinnunni og lífi sínu hafði sérstaklega gaman af því þegar hann var að grilla og sagðist vera annarstigs grænmetisæta hann borðaði nefnilega það sem æti grænmeti. þetta er sannur Kambari það er ekki spurning alltaf kátur og hláturinn í fyrirrúmi.

Við getum verið stoltir Siglfirðingar að eiga svona snilling ekki spurning.

0 stilling andleg og fjárhagsleg

Tekið af vísir.is "Fiskverkafólki í ellefu landvinnslum hefur verið sagt upp á aðeins fimm mánaða tímabili. Auk þess hefur verið tilkynnt um langar lokanir í sumar og starfsfólk óttast að vinnsla hefjist ekki á haustmánuðum. Óvissan er óbærileg innan fjölda fiskvinnslufyrirtækja um allt land þar sem útlit er fyrir að fjöldi fyrirtækja þurfi að grípa til uppsagna á komandi mánuðum.

Á föstudag bárust fregnir af uppsögnum tólf starfsmanna í fiskvinnslunni Pétursey í Vestmannaeyjum. Þar hafa tapast 36 störf á sjó og í landi síðan í byrjun september, að sögn Guðjóns Rögnvaldssonar, framkvæmdastjóra fyrirtækisins."

Ef ég man rétt þá hélt sjávlandbúnaðarar maðurinn því fram að aðgerða vegna niðurskurðar þorskskvóta færi ekki að gæta fyrr en í vor í fyrsta lagi og það gæti nú margt gerst þangað til. Ég spyr mig hvað ætli sjávlandbúnaðar maðurinn hafi haft upplýsingar um þetta er það frá ráðgjöfum innan LÍÚ eða hvaðan kom þetta.

Sjávarbyggðir eru sem rjúkandi rúst og sjá það allir sem vilja sjá, er það kannski svo að þessir fámennu staðir skipta bara svo litlu máli og þeir vega svo lítið í hinum nýja íslenska fjár og hlutabréfa heimi?

Í einfaldri mynd af Íslandi þá eru hlutirnir svona, fjöldinn er farinn suður þar sem að fasteignaverðið er svo hátt að fólk skuldsetur sig í fjötra "algleymis" síðan eru það þeir sem aldrei fóru suður unnu í sjávarútveginum fengu sinn bónus en voru svo "sendir heim" þegar lítið fiskaðist en var svo tekið "opnum örmum" aftur þegar eitthvað barst að landi, og fasteignir þeirra eru verðlitlar.

Nú eru mörg þessara sjávarplássa orðin vinsælir ferðamannastaðir þar sem hefur verið komið upp söfnum eða setrum af einhverju tagi og oft á tíðum er stór hluti fasteigna orðin að sumarhúsum þeirra sem vinna í fjár og hlutabréfa geiranum og koma einstaka sinnum til að 0stilla sig.

Já það eru allir 0stilltir í sjávarbyggðum landsins hvort heldur er andlega eða ef fram sem horfir fjárhagslega.

Er þetta sú þróun sem við viljum? EKKI ÉG

Frændur vorir

Ég verð að óska uppáhalds erlendis frændum mínum Dönum til lukku með sigurinn á þjóðverjum, þetta var magnaður sigur og getum við lært mikið af þeim.

Ég harma það að missa Alfreð úr brúnni það er eins og enginn hafi þolinmæði eða fái nógu langan tíma til að skapa almennilegt landslið.

Er þetta eitthvað í þjóðarsálinni þ.e.a.s. ef hlutirnir ganga ekki STRAX upp þá bara skipta stjóranum út maður hlýtur að spyrja sig af hverju þetta sé sona danski, franski þýski og sá króatíski svo einhverjir séu nefndir hafa allir fengið góðan tíma til að byggja upp og árangurinn eftir því?

Áfram Danmörk