Fór eins og Gvend grunaði

Ég var búin að nefna fyrr í dag hvað leiðir ég teldi líklegar til niðurskurðar hjá RÚV, og viti menn það fór eins og Gvend grunaði.

Óðinn segir að harkalegasti niðurskurðurinn verði í íþróttafréttum, en þar er bæði sagt upp fréttamönnum og tæknifólki. „Við lítum ekki á þær sem okkar innstu kjarnastarfsemi. Það er auðvitað umdeilanlegt og menn geta haft ýmsar skoðanir á því, en ég valdi þessa leið," segir hann.

„Þá er niðurskurður á vaktinni hér, í veffréttunum og á svæðisstöðvunum, en reyndar bara á Akureyri," segir Óðinn. Þegar menn neyðist til þess að skera niður þurfi að forgangsraða. „Mín forgangsröðun gengur út á að styrkja okkur í innlendum fréttum á þessum tímum," segir hann. Innlendu fréttirnar verði ekki veiktar með beinum hætti, nema helst á vefnum.

Hann segir ekki hægt að líta svo á að verið sé allt að því að leggja svæðisútvörpin niður með sparnaðaraðgerðunum. „Nei, þvert á móti," segir Óðinn. Verið sé að hætta með svæðisbundnar útsendingar, en fólkinu sem verði eftir verði ætlað að setja inn fréttir á landsrásir RÚV. „Áætlunin gengur út á það að það muni styrkja innlenda fréttahlutann," segir Óðinn.

Undanfarið hefur RÚV verið með tvær fréttamannastöður erlendis, í London og í New York. Óðinn segir að staðan í Lundúnum verði lögð af í tengslum við aðgerðirnar, en fréttamaðurinn sem hefur starfað þar komi til starfa hjá stofnuninni hér heima. Staðan í New York sé í skoðun.

Eftir þennan lestur þá mætti ætla að  Ragnar Reykás hafi talað í gegnum Óðin Jónsson í þessu viðtali þetta getur ekki verið meira í hringi eða hvað?

Svo hlustar maður á það á Rúvak að svæðisútvarpið verði lagt af já það er ekki að spyrja af hagfræði 101.

Ég legg til að Páll Magnússon taki poka sinn og hatt.

„Kemur á versta tíma“

Athugasemdir

[Rauða Ljónið, 28.11.2008 kl. 18:23]

Sæll. Þarna er verið að byrja á röngum enda svæðisútvarpið á að halda áfram við höfum ekkert að gera með stærra hlutfall frá RVK 101.

Á milli 450 til 570 manns eru á launaskrá hjá RÚV svo ljóst er að niðurskurður ætti frekar að vera á svæði 101, hér er verið að fækka aðeins um 2% til 3% starfsmanna og það þá á landsbyggðinni það er öfugur endi.

Sukkið er nóg hér fyrir sunnan.

Kv. Sigurjón Vigfússon

[H G, 29.11.2008 kl. 01:37]

Ég bý í RVK 103 -  og tel að skera eigi RÁS 2 af eins og hún leggur sig - en alls ekki svæðisútvarp neinstaðar.     SPYR: Hvaða menningar- og öryggisþörfum þjónar Rás 2 ?  - SVAR: Hún er í algjörri samkeppni við einkareknu útvarpsstöðvarnar - og hefur alltaf orkað tvímælis hvort skattborgarar ættu að halda henni uppi.