Blakmót BLÍ á Ísafirði og nágrenni.

33. Öldungamót BLÍ verður haldið á Ísafirði og nágrenni, leikið verður líka á Suðureyri, Flateyri og Bolungavík.
Það verða 3 kvennalið frá Súlunum og 2 karlalið frá Hyrnunni, sumir úr Hyrnunni hafa mætt á öll fyrri mót og eru enn í fullu fjöri að eigin sögn.

Alls verða þetta um 40 manns frá Siglufirði sem leggja land undir fót á næst- komandi miðvikudag og án efa koma heim með fullt fangið af verðlaunagripum.

 Óhætt er að segja að mikil tilhlökkun er komin í hópinn, flestir fara með rútu og er meiningin að leggja af stað kl 14 á morgun. Það verður stoppað hjá Ester Sigfúsdóttur(Siglfirðingur) en hún ásamt manni sínum rekur veitinga og gististaðinn Kirkjuból í nágrenni Hólmavíkur þar verður snædd súpa.

Síðan á að taka létta æfingu yfir Steingrímsfjarðarheiði en þá verður skokkað á eftir rútunni. fyrsti leikur hjá okkur yngir körlum verður kl 8 á fimmtudagsmorgun.

Myndin er af hópnum sem var á sinni síðustu æfingu fyrir mótið, tekið af www.sksiglo.is

 

Athugasemdir

[Birkir Jón Jónsson, 29.4.2008 kl. 16:54]

Gangi þér vel á mótinu Hemmi. Ég vona að það muni viðra vel á ykkur á Steingrímsfjarðarheiðinni! Færðu okkur svo fréttir af gangi mála hingað á bloggið