Skólamáltíðir á Siglufirði

það var stór dagur í Siglufirði en 1. apríl, hófust skólamáltíðir fyrir nemendur í 5.-10. bekk í Grunnskóla Siglufjarðar.  Það er Allinn sem sér um matseldina og þar matast börnin og þeir starfsmenn skólans sem þess óska.  Um 80 nemendur hafa nú skráð sig í fæði en lágmark er að kaupa 12 máltíðir í mánuði.  Á matseðlinum er fjölbreyttur hefðbundinn heimilismatur. 

Á heimsíðu skólans segir að á þessum fyrsta degi hafi allt farið vel fram, nemendur voru stilltir og prúðir og ýsan rann ljúflega niður með kartöflum, hamsatólg og rúgbrauði.  Þó nokkrir fóru tvær ferðir enda ungt og orkuríkt fólk hér á ferð. Hægt er að skoða myndir á heimasíðu skólans http://www.sigloskoli.is/  tekið af vef Fjallabyggðar

Ég hef heyrt í mörgum foreldrum vegna þessa og er ekkert nema almenn ánægja með þetta framtak núverandi meirihluta. Það sem gleður mig einna mest er hvað umfjöllunin er jákvæð en eins og við flest vitum að þá heyrast neikvæðar raddir miklu hærra en þær jákvæðu, hvernig svo sem stendur á því.

 

Athugasemdir

[Sigurður Árnason, 2.4.2008 kl. 22:43]

Þetta er flott hjá ykkur við vorum að einnig að opna mötuneyti í Árskóla á Sauðárkróki fyrir stuttu og mér skilst að það sé almenn ánægja með þetta hérna.