230 Siglfirðingar skrifuðu undir áskorun á SVN

Ég skrifaði 16 nóvember á bloggið og sagði frá því að bæjarstjóra Fjallabyggðar var falið að skrifa framkvæmdarstjóra SVN bréf og óskað eftir skýringum á því hversvegna síld væri ekki landað á Siglufirði til bræðslu?

Í framhaldi af þessu þá ákvað ég að fara af stað með undirskriftalista þar sem að bæjarbúar skora á SVN að landa síld til bræðslu á Siglufirði frekar en að sigla alla leið austur.

Það er skemmst frá því að segja að 230 Siglfirðingar skrifuðu undir þessa áskorun, og í dag þá afhenti ég verksmiðjustjóra SVN á Siglufirði undirskriftalistann og tók hann það loforð af mér að senda hann austur.

Ég vil þakka öllum þeim sem  tóku þátt í þessu með mér og svo sjáum við til hvort að þetta dugi til að vekja þá fyrir austan af þeim Þyrnirósarsvefni sem þeir hafa sofið á Siglufirði frá því að þeir eignuðust þessa verksmiðju.