Skautaðu krakki skautaðu

Jæja þá var ráðist í það í gær að búa til skautasvell á gamla malarvellinum (Búsetaíbúðir) Denni í BÁS var að sjálfsögðu boðin og búinn að ýta til á svæðinu og svo átti að koma með slöngur frá slökkviliðinu og sprauta yfir. En því miður þá gripu veðurguðirnir inní og það var of mikill skafrenningur.

Vonandi verður hægt að klára þetta í dag. Ég man þá tíð þegar við krakkarnir vorum á skautum það var alveg rosa gaman, ekki eins viss að getan sé eins mikil núna en hvað með það það verður látið vaða og tekinn tvöfaldur snúningur og hvað þetta heitir nú eða þannig. Ég man eftir manni sem kom oft og skautaði með okkur krökkunum hann gat rennt sér afturá bak og allt ,það var fylgst með að mikilli aðdáun.

Allir á skauta ekki spurning.................

Er þetta aldurstengt eða spurning um forgangsröðun?

Fékk sendan brandara sem ég læt flakka, það er jú kominn föstudagur.

Kæri viðtakandi!

Mig vantar svar við vandamáli, en þannig er að konan mín vinnur oft lengur en
hún þarf, og kemur heim seint og angar þá af rakspíra. Hún brjálast ef ég
skoða gsm inn hennar og fær oft dularfull símtöl í heimasímann sem hún neitar a
segja frá.  Hún er stundum úti á kvöldin og er þá keyrð heim af ókunnum vini.

Einu sinni ætlaði ég að njósna og gá hver þessi óþekkti maður væri, svo rétt
áður en hún kom heim, læddist ég út og faldi mig bak við mótorhjólið
mitt.  Þá sá ég olíuleka á hjólinu.  Og nú spyr ég, kæri póstur, er eðlilegt að það komi
leki á hjól sem er aðeins búið að keyra um 20.000 km.?

Það krefst hugrekkis

Datt þetta í hug svona í ljósi þess sem á undan er gengið í dag.

"Fólk fær styrk, reynslu og sjálftraust í hvert seinn

sem það horfist í augu við óttann.....Fólk verður að

gera það sem það getur ekki."   Elanor Roosevelt

Stolt siglir fleygið mitt........

Stolt sigli fleygið mitt eða hvað????

það var mögnuð uppákoman á borgarstjórnarfundinum áðan svo ekki sé meira sagt, það liggur við að maður vorkenni Ólafi F hann hefur ekkert á bakvið sig.

Hvar varst þú?

Ég sá aðeins í Kastljósinu hjá Þórhalli skólabróðir að sent var út frá Eyjum í tilefni þess að 35 ár eru frá gosinu. Ég man að kvöldið eftir þá sat ég ásamt systrum mínum við rúmmið hjá foreldrum mínum og við hlustuðum á lýsingu af því sem var að gerast í Eyjum en besta vinkona mömmu átti syni og þeir sínar fjölskyldur þarna. Þetta er eitthvað sem maður man alla tíð eins þegar árásin var gerð á tvíbura turnanna í USA ég man nákvæmlega hvar ég var staddur þegar það var tilkynnt.

Ég heyrði sögur fyrr í kvöld sem gerðust hérna í gamla daga á Sigló en hún móðir mín á auðvelt með að herma eftir fólki og þegar hún nær sér á flug ja þá er ekki aftur snúið við vorum í krampa vægast sagt það hefur verið gaman að vera til í gamla daga það er ekki spurning.

Oft velt því fyrir mér hvað gott er að eiga góða og skemmtilega að, bara þetta að hittast yfir kaffibolla og ræða um daginn og veginn sleppa sjónvarpinu og vera með vinum og kunningjum á góðri stund, já það skilur nú mun meira eftir en það að horfa á Skjá 1 eða Stöð 2 eða einhvern annan tíma þjóf.

Hef fengið góð viðbrögð við Búseta íbúðunum sem verið er að auglýsa á Sigló þetta er mikið þarfa mál fyrir okkur hérna það held ég að sé alveg ljóst.

Djö.. er klukkan orðin margt nú er best að hætta áður en svefngalsinn tekur völdin og einhver vitleysa ratar á skjáinn, góða drauma öll sem nennið að lesa þessar hugrenningar mínar.

Búsetaíbúðir á Siglufirði

Bæjarstjórn Fjallabyggðar hefur undanfarið átt í viðræðum við fulltrúa Búseta á Norðurlandi um byggingu búseturéttaríbúða í Fjallabyggð.

Um er að ræða fullbúnar íbúðir, í minni fjölbýlishúsum, með bílageymslu eða bílskýli. Íbúðirnar yrðu byggðar miðsvæðis í byggðakjörnum sveitarfélagsins, með góðu aðgengi,  þar sem stutt er í verslun og þjónustu.  Fyrst verður hafist handa við að byggja á Siglufirði, síðan á Ólafsfirði Búseti á Norðurlandi er húsnæðissamvinnufélag sem á og rekur íbúðir á kostnaðarverði. Félaginu er ætlað það hlutverk að útvega félagsmönnum hagkvæmt húsnæði sem er vel viðhaldið og þægilegt.  Heimasíða félagsins er www. busetiak.is

Bæjarstjórn Fjallabyggðar vill með auglýsingu þessari kanna hvort áhugasamir aðilar séu til staðar sem hefðu hug á að leigja búseturéttaríbúðir, af Búseta á Norðurlandi, sem byggðar yrðu í Fjallabyggð.

Nánari upplýsingar og skráning áhugasamra aðila:  Ómar Hauksson, atvinnumálafulltrúi SSNV á Siglufirði, sími               464-9112        og               897-1935       .  Netfang: [e-mail]

Bölvuð tík

Það var sagt við mig þegar ég fór í framboð fyrir síðustu bæjar og sveitastjórnakosningar að þessi pólitík væri mann skemmandi. Ég get nú ekki sagt að þetta sé mannskemmandi vissulega þreytandi en oft á köflum hörkuleg og stormasöm en aldrei rómantísk.

það er með pólitíkina og samstarfið eins og hjónabönd og sambönd það gefur oft á bátinn, stundum verða skilnaðir en oftar en ekki nást sáttir. Ég furða mig á myndun nýs borgarmeirihluta einfaldlega vegna þess að þessir aðilar voru búnir að reyna að mynda meirihluta í upphafi eins og svo vel var rifjað upp í sjónvarpi allra landsmanna í gærkvöldi, þá var Ólafur ekki nógu góður, maður hlýtur að spyrja sig um hug borgarbúa í þessu öllu saman. Svona í lokin hefur Sjálfgræðisflokkunum tekist að halda völdum í borginni um leið og hann fer með landsstjórnina spyr sá er ekki veit?

Nú segir Ingibjörg Erlendis að nýr borgarmeirihluti sé óstarfhæfur og óheillaspor en Geiri Hardi að þetta sé allt hið besta mál og málin rædd í bróðerni ja þetta skyldi þá ekki verða upphaf að einhverju meiru, gaman að fylgjast með framvindu mála á næstunni.

Ég verð að segja að svakalega er ég ánægðu með að BobbyFischer skuli vera komin undir græna torfu, það þarf þá ekki að velta því lengur fyrir sér hvort að jarða eigi hann á Þinvöllum, ja hérna láta sér detta það í hug þetta sýnir okkur kannski hvað smáborgarhátturinn er mikill hjá fámennri þjóð.

Halldóra yngri geimsteinninn á afmæli í dag tólf ára omg :) til lukku með daginn elskan mín.

 

Kyrrlátt kvöld við fjörðinn

það er óhætt að segja að veðrið á Sigló í dag hafi verið eins og fallegt póstkort svo ekki sé meira sagt, stafa logn og -4 gráður.

Ég heimsótti Örlyg á Síldarminjasafnið og var það mjög ánægjuleg heimsókn hann hafði góðar fréttir af málefnum safnsins og er ég þess fullviss að þetta á allt eftir að vinda uppá sig. Það er mikill munur að hafa svona persónu eins og Örlyg í samfélaginu okkar þetta er maður sem sér hlutina svo oft með allt öðrum augum en margir aðrir og er það vel. Við ræddum vítt og breytt um ferðamál safnamál og svo margt fleira.

Ég verð líka að segja frá því að ég hitti gamlan brottfluttan Siglfirðing sem á hér hús og er nú komin á eftirlaun, hann var að dásama það að komast norður í hreina loftið og kyrrðina og svo sagði hann eitt sem mér fannst mikið til koma, það þekkja allir mann í bankanum og ekki er byrjað að spyrja um kennitölu. Þetta er einn af kostum þess að búa í fámenni.

"Hvimleið saga" ég keypti og kaupi mín föt

Er verið að búa til frétt úr engu, ég bara spyr. Sigfús Ingi framkvæmdarstjóri flokksins svara þessu á mbl.is

„Ég tók við starfi framkvæmdastjóra um áramótin 2006-2007 og ég kannast ekki við þetta frá þeim tíma og ekki heldur frá tíð forvera míns, " segir Sigfús Ingi Sigfússon, framkvæmdastjóri Framsóknarflokksins, um orðróm um að forystumenn flokksins í Reykjavík hafi keypt sér föt á kostnað flokksins fyrir borgarstjórnarkosningar, líkt og Guðjón Ólafur Jónsson, fyrrum þingmaður Framsóknarflokksins, segir að hafi gengið innan flokksins.

Guðjón Ólafur Jónsson segist hafa sent bréfið út til að þakka fyrir þann stuðning sem hann hafi fengið á meðan hann var þingmaður flokksins og til að setja fram hugleiðingar um stöðu Framsóknarflokksins í Reykjavík „og ég held að það sé full ástæða til að ræða hana, það hafa margir haft samband og fagnað því að ég hafi sett þá umræðu í gang," segir Guðjón. Hann segist hafa sent bréfið út sem trúnaðarmál og treyst flokksmönnum til að fara með það sem slíkt. Varðandi hlutann um orðróm vegna fatakaupa „vildi ég vekja athygli á því að þetta væru hvimleiðar sögur, en það hafa einnig gengið sögur um mig og aðra," segir Guðjón.

Bara svo það sé á hreinu og til að spara Samhristingarfólki í Fjallabyggð mikla rannsóknarvinnu þá keyptu fyrir síðustu kosningar og kaupa frambjóðendur Framsóknar í Fjallabyggð sín föt.

Áfram Fjallabyggð

Glæsilegt hjá Ingu Guðmundi og Tóta í útsvarinu í gærkvöldi er þau sigruðu Árborg í æsispennandi keppni. Inga tók mann nánast á taugum þarna í síðustu spurningunni.

Gaman að sjá krakkana okkar í Ungmannafélaginu Glóa í sjónvarpssal þar sem þau studdu Tóta þjálfara sinn og verður gaman að heyra lýsingar þeirra hvernig var í sjónvarpssal.

Gaman að vakna við bullið í Jóa og Simma svona á laugardagsmorgnum, hringdi í eldri demantinn á Ítalíu í gærkvöldi ekkert nema gleði og hamingja af þeim vígstöðvum sem er gott. Nú svo á yngri geimsteinninn afmæli og verður sú "litla" tólf ára 22 janúar já svona er nú gaman að vera til.