Styrkveiting til eflingar atvinnuþróunar og nýsköpunar 2008 og 2009,,,,, 25.250.000 til fyrirtækja í Fjallabyggð

Ég vil byrja á að óska þeim aðilum í Fjallabyggð sem fengu styrk hjartanlega til hamingju.

Alls bárust 253 umsóknir, en úthlutað til 69 verkefna, ég hef sagt áður og segi enn það er verið að vekja upp falsvonir hjá alltof mörgum. það segir sig sjálft þegar 253 umsóknir berast og 69 fá úthlutað, ég tel að ráðuneytin hafi átt að kanna fyrst þörfina og áhugann en það væri hægt í gegnum landshlutasamtökin svo dæmi sé tekið. Þá hafði verið hægt að standa betur að málum.

En eins og segir í textanum þá er verið að skoða nánar fleiri umsóknir og ætla ég að vona að fleiri aðilar í Fjallabyggð fái úthlutað, veit um nokkrar umsóknir sem ekki hafa fengið úthlutun.

 

Tekið af heimsíðu Fjallabyggðar

Byggðastofnun hefur gengið frá styrkveitingum og hlutafjárframlögum vegna mótvægisaðgerða ríkistjórnarinnar til eflingar atvinnuþróunar og nýsköpunar 2008 og 2009.

Alls voru 200 milljónir króna til úthlutunar, 100 milljónir fyrir hvort ár. Alls bárust 253 umsóknir samtals að fjárhæð 1.528. mkr. Alls hlutu 69 verkefni styrk. Nokkrar umsóknir eru til frekari skoðunar.
Hæstu styrkina hlutu Þóroddur ehf. vegna uppbyggingar seiðaeldisstöðvar í Tálknafirði, JE-Vélaverkstæði ehf. Siglufirði, vegna þróunar á nýrri gerð af snekkju og Vélfag ehf. í Ólafsfirði til þróunar og smíði roðvélar, 5 milljónir hvert verkefni.

Alls komu 25.250.000 kr. í hlut fyrirtækja í Fjallabyggð.
Auk JE-vélaverkstæðisins og Vélfags fengu Siglufjarðar - Seigur ehf. 3.000.000 kr. til markaðssetningar erlendis á bátum sínum, Primex ehf. 3.000.000 kr. til vöruþróunar á sára- og brunasmyrsli úr Kítósan, Guðný Róbertsdóttir 750.000 kr. styrk til markaðssetningar Íslenska sæluhússins, Stígandi ehf. 3.000.000 kr. styrk til vöruþróunar fiskisnakks úr marningi og markaðssetningu erlendis. Skiltagerð Norðurlands ehf. 2.000.000 kr. styrk til vöruþróunar á náttúrusteini og Sigurjón Magnússon ehf. 3.500.000 kr. styrk til markaðssetningar slökkvi- og sjúkrabílaframleiðslu sinnar innanlands og erlendis.

Strandsiglingar ber að skoða

Ég tel eðlilegt að kostir strandsiglinga verði skoðaðir ofan í kjölinn. Ef rétt er að vöruflutningabifreið er að valda öðru eins tjóni á þjóðvegum landsins eins og fjallað hefur verið um í fréttum þá er eðlilegt að mínu mati að skoða kosti strandsiglinga.

það voru strandsiglingar og mikið rétt landflutningar líka fyrir ekki svo ýkja mörgum árum, en svo gerist Það að Eimskip eignast VM og úr verður Flytjandi og svo verður til Eimskip. Þarna var hagræðingin þvílík að það hálfa var nóg að margra mati. En nú er svo komið að landflutningar eru ekki að gera sig og hvað gerist jú þjónustan minnkar.

Ég hvet ráðherra til að láta skoða kosti og galla strandsiglinga vel og vandlega. Það var frétt í dag um afkomu hafna víða um landið og sú frétt er vægast sagt ömurleg tap og aftur tap. Það má örugglega semja við mörg sveitarfélög um lægri hafnargjöld osfrv... það vantar fleiri tekjumöguleika fyrir hafnir við strendur landsins.

Ég hef miklar áhyggjur af stöðu Eimskips á Siglufirði í dag það er nú orðið svo að það tollir ekki nokkur maður í vinnu hjá þeim, og þjónustan er því miður á hraðri niðurleið. Hver er helsta ástæðan jú það þarf að hagræða í rekstri og það er svo lítið að gera á Siglufirði?

 En bíðum nú aðeins við í dag eru að detta inn smábátar að sunnan og víðar af landinu og þessir aðilar þurfa topp þjónustu hvort sem er hjá flutningaaðilum eða hafnarstarfsmönnum. Þetta hefur verið í góðu lagi hjá báðum aðilum til þessa, en nú eru óveðurský á lofti og segja má að hvirfilvindur sé komin frá Eimskip Akureyri og sé nánast að leggja þá starfsemi sem var þeim til sóma í rúst. Eins og við vitum þá skilja svona hvirfilvindar eftir slóð eyðileggingar og sárinda sem seint gróa.

Þetta er mikið áhyggjuefni að mínu mati og kemur niður á íbúum og atvinnurekendum á Siglufirði. 

Strandsiglingar skoðaðar

Skólameistari VMA hræddur við samkeppni?

Nú get ég ekki lengur þagað og set því eftirfarandi á alheimsvefinn. Þeir sem starfa með mér í bæjarpólitíkinni hafa heyrt mig já og fleiri sem starfa á þeim vettvangi hneykslast á hvað Hjalti Jón skólameistari VMA og bæjarfulltrúi D-lista á Akureyri geri allt sem í hans valdi stendur til að stöðva uppbyggingu framhaldsskóla við utanverðan Eyjarfjörð staðsettan í Ólafsfirði.

Eins og fyrr sagði get ég ekki lengur þagað yfir framferði bæjarfulltrúans og skólastjórans Hjalta Jóns, en fyrrnefndur Hjalti Jón situr í stjórn héraðsnefndar Eyjarfjarðar fyrir hönd Akureyrar. Það er samningur í gangi á vettvangi héraðsnefndar Eyjarfjarðar varðandi þátttöku sveitarfélaganna um uppbyggingu framhaldsskóla á svæðinu. Nú hefur verið byggt upp í gegnum tíðina skólar á Akureyri og Laugum með góðum árangri og kostnaðarskiptingin alltaf þótt sanngjörn, en það sveitarfélag sem skólinn er staðsettur í leggur meira út en hin sveitarfélögin. Síðan skiptist kostnaðurinn á hin sveitarfélögin eftir höfðatölu.

Ég ætla ekki að nefna neinar tölur að svo stöddu í þessu sambandi þar sem ekki er ennþá ljóst hvað skólinn komi til með að kosta.

 

Nú  ber svo einkennilega við að meirihlutafulltrúar Akureyrar telja þessa skiptingu alveg ómögulega þetta kosti íbúa “höfuðstaðar Norðurlands” (alltaf hljómað hjákátlega í mín eyru) Akureyri alltof mikið?

Með öðrum orðum íbúar og kjósendur á Akureyri geta ekki hugsað sér að greiða eins og samningar gera ráð fyrir kostnað við uppbyggingu framhaldsskóla við utanverðan Eyjarfjörð. Það haf staðið yfir samningar við forsvarsmenn “stóru systur” orð sem bæjarstjóri Akureyrar notaði þegar hún færði íbúum Fjallabyggðar afmæliskveðjur sl laugardag í tilefni 90 ára kaupstaðar afmælis Siglufjarðarkaupstaðara og var komist að samkomulagi.

 Það er að mínu mati afskaplega dapurlegt að þurfa að standa í svona deilum við "stóru systir" um úthlutunarskipti sem eru og hafa verið notuð í gegnum tíðina.

Er það svo að einhver önnur vinnubrögð þurfi að viðhafa þegar "stóra systir" á að borga og hver eru rökin?

 

 það sem er svo merkilegt er að öll önnur sveitarfélög telja sig skuldbundin að þeim samningi sem er í gildi og taka með glöðu geði þátt í kostnaði við skólann.

 

Er þetta viðhorf ráðamanna Akureyrar ekki í hrópandi þversögn við það sem þeir telja sig standa fyrir þ.e.a.s. "stóra systir" í Eyjarfirði styðji við og standi með öðrum sveitarfélögum í Eyjarfirði að uppbyggingu og auknu aðgengi íbúa svæðisins að aukinni menntun. Það hefur ekki staðið á öðrum sveitarfélögum að styðja við uppbyggingu framhaldsskólanna á Akureyri.

 

Ég hvet Hjalta Jón til að kynna sér sjónarmið rektors HA en hann flutti framsögu á málþingi sem haldið var í Ólafsfirði um þar síðustu helgi.  Þar fór Þorsteinn Gunnarsson rektor  um kosti þess að byggja framhaldsskóla í Ólafsfirði, getur verið að skólameistari VMA sé hræddur við samkeppni? 

Ég hef spurt mig að því hvort að fyrrnefndur Hjalti Jón sem situr í stjórn héraðsnefndar Eyjarfjarðar sé ekki vanhæfur til að fjalla um skólamálin almennt hvort sem er um aukin peningaútlát til VMA eða aðra uppbyggingu framhaldsskóla á svæðinu og mun óska eftir áliti á næsta héraðsnefndarfundi þessa efnis.

 

Og svona að lokum þá tel ég þetta framferði fulltrúa “stóru systir” setji allt í uppnám á samstarfsvettvangi Eyþings.

Ríkisstjórnir tvær á lítilli "sökkvandi" eyju norður í hafi

Eru tvær ríkisstjórnir í landinu, nýr skemmtikraftur og söngvari mikill Geir H gerði að því skóna á Alþingi á dögunum að stjórnarandstæðingar yrðu að gera það upp við sig hvora ríkisstjórnina menn gagnrýndu? Já merkilegt orðalag þetta hjá Geir sem er þá í ríkisstjórn íhaldsins.

Ég sá eftirfarandi á heimasíðu www.framsokn.is

Fátt er jafn eðlilegt og að á milli manna séu skiptar skoðanir, hvað þá að stjórnmálaflokkar séu á öndverðum meiði í stórum og smáum málum. Nú hefur það gerst í stóru og umdeildu máli, ákvörðun sjávarútvegsráðherra um útgefinn hrefnuveiðikvóta, að ríkisstjórnin hefur klofnað og annar ríkisstjórnarflokkurinn segist alls ekki styðja ákvörðun sjávarútvegsráðherra og sendir frá sér yfirlýsingar þar að lútandi.

19. október 2006 sagði þingmaðurinn og stjórnmálaforinginn Ingibjörg Sólrún Gísladóttir orðrétt á Alþingi vegna athugasemda sem þáverandi umhverfisráðherra lét frá sér fara: "Ég get hinsvegar skilið hæstvirtan umhverfisráðherra. Ég held að þetta sé rangt hagsmunamat hjá ríkisstjórninni sem hafi farið fram í þessu máli. En, það er önnur saga. Hitt er alvarlegra, að menn tali tungum tveim í ríkisstjórninni."

Þetta eru stór orð og enn stærri í þessu nýja samhengi þegar annar forystumaður ríkisstjórnarinnar sendir frá sér, og fyrir sína ráðherra og þingflokk, sérstaka mótmælayfirlýsingu. Það sem vekur enn meiri furðu er sú yfirlýsing að utanríkisráðherra ætli svo að verja ákvörðunina erlendis. 

Hvalveiðar eru umdeildar en ákvörðun sjávarútvegsráðherra byggir þó á ályktun Alþingis frá 1999. Þar stóð stór hluti þingmanna, þar á meðal samfylkingarþingmenn, að því að hvalveiðar yrðu stundaðar. Forsætisráðherra segir málið ekki hafa verið rætt á ríkisstjórnarfundi. Þó á sjávarútvegsráðherra og öðrum ráðherrum sjálfstæðismanna að hafa verið fullkunnugt um afstöðu Samfylkingarinnar, sem hlýtur þá að hafa komið fram í einkasamtölum þeirra á milli því ekki er að finna stafkrók um stefnu Samfylkingarinnar í þeirra landsfundarályktunum þeirra sem því hefur ekki verið mótuð af grasrót flokksins. Ábyrgð forsætisráðherra í málinu er einnig mikil, ef hann hefur vitað um þann mikla ágreining sem uppi var án þess að gera tilraunir til að sætta ólík sjónarmið og með aðgerðarleysi sínu leyfa það að íslenska þjóðin og Íslendingar allir verði að athlægi á erlendri grundu. Að samstarfsflokkurinn tæti málið út um víðan völl, rétt eins og þegar sá hinn sami flokkur var í stjórnarandstöðu. Vinnubrögð sem þessi hef ég aldrei nokkurn tíma séð á mínum stjórnmálaferli.

Þegar sjávarútvegsráðherra leyfði hvalveiðar árið 2006 hvatti ég sérstaklega til samstöðu og minnti á að við aðstæður sem þessar þurfi Ísland að eiga eina þjóðarsál því hagsmunir okkar á erlendri grundu væru í húfi. Með samstöðu gætum við gætt þeirra hagsmuna en sundruð ekki.

Ég er enn þeirrar skoðunar.

Guðni Ágústsson

Grænfánanum flaggað á Sigló

Í gær var afmælisfundur hjá bæjarstjórn Fjallabyggðar Siglufjarðarkaupstaður átti 90. ára kaupstaðrafmæli eins og áður hefur komið fram á bloggi mínu.

Fundurinn hófst kl. 13 með heimsókn bæjarstjórnar á leikskólann Leikskálar og þar sungu krakkarnir fyrir okkur og svo var skoðuð myndlystasýning, einnig var farið út og lóð og leiktæki skoðuð ég lenti í smá knattspyrnu keppni og náði að skora tvö mörk hjá honum Árna Hauk en Rut skoraði fjögur.

Síðan var farið í neðra skólahús en þar hafði Grænfánanum verið flaggað fyrr um morguninn, frábært framtak hjá starfsfólki og nemendum ég er mjög stoltur af þessu framtaki og óska þeim öllum til hamingju með árangurinn. Síðan lá leiðin á bæjarskrifstofurnar en þar var búið að setja upp málverkasýningu og eiga þau Karitas Neff og Þórarinn Hannesson heiðurinn af því verkefni vel gert og ótrúlegar myndir sem sveitarfélagið á meðal annarra listaverk eftir Kjarval, Nínu Tryggva og fleiri heimsþekkta lístamenn. en þau heiðurshjón Arngrímur og Bergþóra gáfu Siglufjarðarkaupstað árið 1980 um 125 litaverk.

Sýningin verður svo opin á laugardaginn sjá nánari lýsingu á www.fjallabyggd.is áður en fundur var settur þá söng Vorboðinn kór eldriborgara Siglufirði fjögur lög og var það mjög gaman, ég var t.d. að heyra í fyrsta skipti texta um Siglufjörð við lagið Undir Bláhimni.

Síðan setti forseti bæjarstjórna fundinn og voru nokkrar fundargerðir samþykktar. Einnig var samþykktur ársreikningur 2007 fyrsti ársreikningur sameinaðs sveitarfélags. Það er góð afkoma sveitarfélagsins og er það vel. Bæjarstjórn ákvað meðal annars í því  tilefni að gefa fimm milljónir til tækjakaupa á sitthvora grunnskólalóðina og einnig var gefin ein milljón til skráningu skíðasögu Siglufjarðar og Ólafsfjarðar.

Meðfylgjandi er mynd af heimasíðu www.sksiglo.is en þar er meira af viðburðum gærdagsins.

Nemendur og kennarar að flagga Grænfánanum

Eru karlar á Íslandi einhver undartekning heimilisofbeldis?

Þetta er mjög merkileg könnun, ætli hafi verið gerð sambærileg könnun á Íslandi?

Mér hefur lengi vel fundist að öll umræða um karlmenn og ímynd af karlmönnum sé á frekar lágu plani. Sennilega ekki allir sammála mér í þessu, mér er minnisætt eitt atriði og er það úr Hellisbúanum.

þar fær leikarinn allan salinn til að hrópa karlar eru aumingjar karlar eru aumingjar og það tók allur salurinn undir já og karlar ekki síður en konur. Svo kom þessi spurning frá leikaranum hvað haldið þið að margir hafi tekið undir ef ég hefði sagt konur eru aumingjar konur eru aumingjar,,, ekki sála.

Mér finnst mikið til í þessu, sjáið alla þá skemmtiþætti sem eru í sjónvarpinu karlinn heimskur og þybbinn meðan eiginkonan klók gáfuð og í fínu formi... já svona er nú staða karlmann í heiminum í dag og alltof mörgum körlum er bara slétt sama...

Karlar fórnarlömb heimilisofbeldis

Þann 20. maí á Siglufjarðarkaupstaður 90 ára kaupstaðarafmæli og 190 ára verslunarafmæli.

Þann 20. maí á Siglufjarðarkaupstaður 90 ára kaupstaðarafmæli og 190 ára verslunarafmæli og í tilefni dagsins þá verður hátíðarfundur hjá bæjarstjórn. Mikil dagskrá og verður eflaust gaman ég hlakka mikið til að taka þátt í þessum fundi og get sagt að nokkrar skemmtilegar afmælisgjafir verða gefnar. Má ekki segja meira að svo stöddu :)

Læt fylgja með dagskrá dagsins og svo verður gaman næsta laugardag en þá verða allskonar uppákomur á Siglufirði og verður meðal annars Ólafsfirðingum boðið uppá fríar rútuferðir. ég veit að vélhjólaklúbburinn Smaladrengir verða með fáka sína til sýnis við Olísstöðina svo eitthvað sé nefnt.... vonandi sjá sem flestir sér fært að mæta. 

  Dagskrá þriðjudaginn 20. maí 

Kl. 13: 00  Bæjarstjórn og gestir fara í heimsókn í Leikskála og skoða þar vorsýningu barnanna.

Kl. 14 :00  Bæjarstjórn verður viðstödd þegar Landvernd afhendir Grunnskóla Siglufjarðar Grænfánann

Kl. 14:30   Opnuð verður sýning úr listaverkasafni Fjallabyggðar í Ráðhúsinu.

Kl. 15:00   Hátíðarfundur bæjarstjórnar Fjallabyggðar. Vorboðarnir syngja nokkur lög fyrir fundinn.  

Laugardaginn 24. maí verður síðan afmælishátíð fyrir bæjarbúa og gesti þar sem íbúum Fjallabyggðar verður boðið til kaffisamsætis. Ýmislegt fleira verður gert til skemmtunar. Dagskrá verður auglýst síðar    

Lífið eftir göng að málþingi loknu.....

Eins og áður sagði þá var málþing í Tjarnarborg í Ólafsfirði í gær um lífið eftir göng, það voru um sextíu manns sem mættu og var það góð mæting. það komu rútur frá Siglufirði og Dalvík og voru þær vel nýttar, óhætt er að segja að málþingið hafi verði gott mörg mál rædd og skipts á skoðunum allt frá hugmyndum um friðlýsingu Héðinsfjarðar til námsframboðs í nýja framhaldsskólanum.

Málþingið var sett upp í þremur liðum, framsaga og svo pallborðsumræður....

1. Uppbygging atvinnulífs við utanverðan Eyjafjörð

2. Ferðaþjónusta til framtíðar

3. Framhaldsskólinn

Það urðu miklar umræður í öllum þessum liðum og framsögur mjög góðar, ég var mjög áhugasamur um framsögu Jón Eggerts Bragasonar verkefnisstjóra framhaldsskólans og Þorsteins Gunnarssonar rektor Háskólans á Akureyri. En þeirra erindi voru mjög góð og fróðleg. það er nú svo að vegna tímaskorts þá er ekki hægt að koma inná alla hluti en heilt yfir þá var yfirferðin mikil og góðar umræður, vonandi verða áframhaldandi umræður á íbúaþinginu sem sveitarfélagið stendur fyrir í september næstkomandi.

Eftir málþingið þá skruppum við ég og blikkarinn Tumi í heimsókn en blikkarinn er að vinna í verkefni og var smá vinnufundur og spjall. Að því loknu var ákveðið að skella sér á hammara í Höllinni hjá Bjarkey og var það hin ágætasti hammari.

það var nú reyndar staddur þar inni eftirlegu kind frá stórafmælisveislu frá kvöldinu áður hann hafði ekki ratað heim greyið og vildi endilega fá að ræða við okkur. Ég hef alltaf haft gaman af því að ræða við fólk allskonar fólk hvort sem það er edrú eða ekki. Skemmst er frá því að segja að þessi aðili hafði frá mörgu að segja og svei mér þá ef hann er ekki að gera hundruð milljóna samninga úti í heimi gangi honum sem best. Við tókum svo skoðunar rúnt um bæinn og síðan var haldið í vesturbæinn Lágheiðin góð en mikið verður gott þegar Héðinsfjarðargöngin verða komin í notkun. 

Lífið eftir göng......

Þá kom að því að ég gæfi mér tíma við tölvuna, en vegna anna á öðrum sviðum hef ég eki gefið mér tíma fyrir blogg og annað tölvustúss. Merkilegt nokk að vera nánast frá tölvu í nokkra daga, vont fyrst svo bara bestnar það nei nei segi nú svona. Ég er á leið í Ólafsfjörð um hádegi í dag en þar verður málþing um lífið eftir göng og standa að því framfarafélagið Lífsbyggðin lifi í samstarf við Snorra Pálsson framfarafélag Siglufirði ásamt fleiri aðilum. Athöfnin hefst kl 14:00 og er í félagsheimilinu Tjarnarborg í Ólafsfirði þarna verða mörg og merkileg mál á dagskrá svo sem atvinnulífið við utanverðan Eyjafjörð framhaldsskólinn ofl ofl.

Ég var fengin að flytja mál um atvinnulífið í Fjallabyggð þróun og framtíð en ég vann skýrslu fyrir sveitarfélagið vegna þessara mála frá febrúar og fram í miðjan apríl. En það kom ósk frá forsætisráðuneytinu þess efnis að sveitarfélagið skilaði skýrslu til ráðuneytisins um stöðu og framtíðarsýn vegna atvinnumála í sveitarfélaginu. þetta er sambærilegt og svokallaða vestfjarðarnefnd og svo nú NV-og NAU nefnd sem voru að skila af sér greinagerð til iðnaðar og forsætisráðuneytis. Fjallabyggð verður svo tekin fyrir sérstaklega. Skemmst er frá því að segja að fyrirtæki og stofnanir eru tilbúin að taka að sér 50-90 störf strax. Það sem kom mér einna mest á óvart var öll sú jákvæðni og áhugi sem forsvarsmenn atvinnulífsins sýndu málinu, og þar af leiðandi ætti að vera auðvelt að sækja á hið opinbera með flutning starfa á svæðið.

En það eru fleiri störf en frá hinu opinbera sem hægt er og já eru að fæðast í sveitarfélaginu, nefni sem dæmi í ferðaþjónustu og iðnaði framleiðsla á fiskvinnsluvélum, plastbátum og slökkvibílum. Allt eru þetta fyrirtæki sem eru að vaxna og dafna og er það vel. það sem vekur athygli mína er að sú atvinnugrein sem báðir byggðarkjarnar hafa byggt að mestum sína afkomu á í gegnum tíðina er hverfandi þ.e.a.s. fiskvinnsla og veiðar þetta er að mínu mati merkileg þróun. Ég ætla ekki að fara nánar útí það hér hverjar ástæðurnar eru en engu að síður merkileg þróun....

En nú er það framtíðin sem við horfum til og eigum við að vera ófeimin fyrir nýjum hugmyndum og tækifærum í atvinnulífi, og höfum hugfast að hugmyndir eru til alls fyrstar eins og svo mörg dæmi sanna. Vonast til að sjá sem flesta í Ólafsfirði í dag.

 

Svona að lokum þá get ég ekki sleppt því að nefna að á Siglufirði er heiðurskonan Elín Jónsdóttir 100 ára varð það í gær og heldur uppá afmælið í dag. Bæjarstjórn ákvað að gefa henni 40 manna tertu og 15 þús, krónur inná bók en hún hefur helgað líf sitt hjálparstarfi ABC og vildi engin blóm. Elín er mér í fersku minni þar sem hún bjó ásamt Óskari manni sínum á Suðurgötunni, en þau ræktuðu rófur og voru með hænsni. Verst þykir mér að geta ekki verið á staðnum en svona er nú lífið það er ekki hægt að vera allstaðar.

 

Málverkasýning Morthens og Paul

Ég skrapp á myndlistarsýningu hjá ungum listamönnum á Siglufirði í gær. Þar sýndu þeir Bergþór Morthens og Paul Lajeunesse verk sín í gær í vinnustofu þess fyrrnefnda. Góð aðsókn var þann stutta tíma sem sýningin var opin.Ég hef fylgst með Bergþóri Morthens úr fjarlægð vinna að list sinni en það er ekki langt síðan hann og hans kona fluttu til Siglufjarðar og keyptu hér fallegt timburhús í miðbænum og hafa klárað að gera upp.

Bergþór innréttaði það með möguleika á vinnustofu og sýningarsal og verð ég að segja að það hefur tekist mjög vel. Bergþór komst ansi vel að orði þegar við tókum tal saman í gær og sagði eitthvað á þá leið að Siglufjörður væri að verða listamannabær og svo töldum við upp alla þá listamenn sem eru með vinnustofur í miðbænum, við vorum sammála um að það eru ekki margir bæir á Íslandi sem státa af svona góðum miðbæ eins og er á Siglufirði þökk sé Sr. Bjarna Þorsteinssyni.

Ég hef nefnt það áður á blogginu að listafólk sem hefur komið hingað og unnið að sinni list hefur tekið ástfóstri við staðinn og má svo sannarlega segja að það gildi fyrir Paul en hann kom hérna og dvaldi í Herhúsinu og nú vill hann setjast hér að.

Það eru nokkrar myndir frá sýningu þeirra félaga á www.sksiglo.is

Í gær var fermt í Siglufjarðarkirkju og verður fermt aftur í dag, dagurinn í dag er glæsilegur sól og vor í lofti ég óska öllum þeim sem eru að fermast og aðstandendum til hamingju með daginn.