Stoppum sölumenn dauðans strax

Nú streyma tölvupóstar úr dóms og kirkjumálararáðuneytinu en fyrir nokkru síðan þá skráði ég mig á póstlista [e-mail]það sem vakti sérstaka athygli mína er eftirfarandi fréttatilkynning

Samkomulag um sérstakt lögregluátak í fíkniefnamálum á Norðurlandi

7.8.2008

Björn Bjarnason dóms- og kirkjumálaráðherra og lögreglustjórarnir Björn Jósef Arnviðarson á Akureyri, Bjarni Stefánsson á Blönduósi, Halldór Kristinsson á Húsavík og Ríkarður Másson á Sauðárkróki auk Haraldar Johannessen ríkislögreglustjóra skrifuðu í dag, 7. ágúst, undir samkomulag um sérstakt samstarfsátak lögreglunnar gegn fíkniefnavanda á Norðurlandi.

Samkomulagið miðar að stórauknu samstarfi norðlensku lögregluliðanna fjögurra. Komið verður á laggirnar sérstöku teymi þriggja lögreglumanna við rannsóknardeild lögreglunnar á Akureyri ásamt lögreglumanni með fíkniefnahund. Verða tveir lögreglumannanna í teyminu frá sérsveit ríkislögreglustjóra. Starfsstöð fíkniefnateymisins er í lögreglustöðinni á Akureyri en umboð þess nær til allra lögregluumdæmanna fjögurra á Norðurlandi. Með samstarfinu er stefnt að því að efla styrk og samtakamátt lögregluliðanna fjögurra og herða þannig baráttuna gegn innflutningi, dreifingu og neyslu fíkniefna.

Þetta er að mínu mati gott og löngu þarft verk að ráðast á þá vesælu einstaklinga sem eru að gera börnin okkar að eiturfíklum og vesælum einstaklingum sem festast í neti fíkninar og því miður alltof mörg ná svo ekki að vinna sig út úr.

Til að ná sem mestum árangri þá þurfum við að leggja lögregluyfirvöldum lið og segja frá ef við vitum af þessum vesælu aðilum sem stunda þá iðju að halda eitrinu að börnum okkar.

http://efnisvaki.stjr.is/efnisvaki/vakt-edit?flokkur_id=356

Athugasemdir

[Jóhanna Magnúsar- og Völudóttir , 8.10.2008 kl. 10:45]

Sammála þér þarna, ég sá líka bloggið þitt um lambakjötsauglýsinguna og mér finnst hún siðferðilega röng.