Til lukku SPOL

Ég var svo heppinn að vera staddur í Ólafsfirði í dag þegar þessi gjörningur var gerður upp á Múlakollu. Ég fékk far með snjósleða og var ökumaðurinn(Símon) alveg þrælvanur og svei mér þá ef skíðin á sleðanum voru ekki meira uppí loft en í snjónum enda helv.... bratt.

Þetta var mögnuð ferð og útsýnið af Múlakollu alveg einstakt veðrið gat ekki verið betra sól og já það var logn í tæplega þúsund metrunum.  þarna fluttu menn tölur og meðal annars þá sagði Björn Þór frá þeim tindum og kennileitum sem fyrir augum bar og það var nú ekki neitt smá útsýni.

þetta er gleðidagur fyrir Jónas sparisjóðstjóra og hans fólk og til hamingju með þetta ekki skemmdi það nú stemminguna þegar Hákon starfandi stjórnaformaður Creditinfo upplýsti að hann ætti ættir að rekja til Dalvíkur. En eins og margir þekkja þá hefur verið töluverður rígur á milli þessara tveggja bæja. Vonandi er þetta upphafið að nánara samvinnu milli staðanna?

Hákon sagði einmitt eitthvað á þá leið að fyrir fimmtán til tuttugu árum þá hefði hann ekki trúað því að eiga eftir að undirrita samning við Sparisjóð Ólafsfjarðar og hvað þá upp á Múlakollu, já svona breytast nú tímarnir og mennirnir með.

Það sem  vakti furðu mína var að ekki sáu þeir hjá Rúvak ástæðu til að mæta þótt að búið væri að bjóða þeim, kannski ekki nógu neikvæð frétt að þeirra mati, margir höfðu orð á því í dag?

Ég fékk svo far niður með sama sleðanum og ökumanninum góða og ekki var niðurferðin leiðinlegri, takk kærlega fyrir mig

Samið í nærri þúsund metra hæð

Góður dagur á pallinu kakó og koníak

Gærdagurinn var alveg magnaður það var þvílík blíða að mar á varla til orð. Góður bæjarráðsfundur og ég skilaði skýrslunni af mér formlega, það er ljóst að fyrirtæki og stofnanir í Fjallabyggð eru tilbúin að taka að sér verkefni svo um munar. Skýrslan verður birt von bráðar og svo tekur við nefnd á vegum forsætisráðuneytis sem fer yfir málin með fulltrúum sveitarfélagsins og var óskað eftir því á bæjarráðsfundinum að það gerðist sem allra fyrst.

Aftur að góðum og sólríkum degi ég kláraði að moka snjóinn sem eftir var á pallinum mínum, dreif mig síðan á skíði í Skarðið en þar var skíðamót og sá ég um að starta yngstu krökkunum og var það mjög gaman flottir krakkar og kappsöm. þegar þessu lauk þá skellti maður sér í heitapottinn og látið líða úr sér. Nú eftir kvöldmat þá mátti maður til með að fylgjast með krökkunum í Skólahreysti en krakkarnir frá Grunnskóla Siglufjarðar voru að keppa og stóðu þau sig frábærlega lentu í þriðja sæti og verð ég að segja að þau eiga hrós skilið fyrir þennan árangur "flott krakkar"

Síðan kom rúsínan í pylsuendanum, garðhúsgögnin voru sótt úr geymslunni og stillt upp á pallinn enda veðrið alveg magnað, við félagarnir stórleikarinn Tumi Cruise og ég fengum okkur kakó og smá koníak svona til að fagna sumrinu(smá forskot) að vísu vorum við í úlpum og góðum yfirhöfnum því  það var farið að kólna svolítið þegar leið á kvöldið.

 

Aðrir tímar

Rakst á þessa frétt á sksiglo.is í morgun. þarna má glöggt sjá hvað tímarnir hafa breyst og samfélagið allt tekið miklum stakkaskiptum á kannski ekki svo mörgum árum. Ég velti því oft fyrir mér hvað tíminn æðir áfram og hlutirnir gerast hratt og þróunin er ör...........

Í dag gengur ekki allt útá sjávarútveg á Siglufirði heldur er það þjónusta og iðnaður og sú uppbygging sem á sér stað í dag snýr að ferðaiðnaðinum merkilegt nokk. Já tímarnir breytast og allt það.

Fullnæging linar sársauka

það er ýmislegt rannsakað svo ekki sé meira sagt..... Tekið af vef Vísir.is

"Elskan ég er með hausverk, komdu í koju." Prófessor Per Olov Lundberg, heilasérfræðingur við háskólann í Uppsölum í Svíþjóð segir að fullnæging sé kvalastillandi.

Hann segir að rannsóknir bæði á mönnum og dýrum hafi leitt þetta í ljós.

"Verkur í öxlum, höfði eða baki er oft til kominn vegna vöðvaspennu," segir Lundberg í viðtali við sænska Aftonbladet. "Eftir fullnægingu slakna vöðvarnir og verkirnir hverfa.

Kynlíf gegn sársauka virkar sérstaklega vel fyrir konur. Prófessorinn segir að örvun í leggöngum virki jafn vel og morfín.

Hann telur það vera leið náttúrunnar til þess hjálpa konum við að fæða börn.

 

Til lukku Hofssósingar og nærsveitamenn

Það er ekki amalegt að hafa svona góð og stórhjarta dömur eins og  Lilju og Steinunni í sínu samfélagi,  það mættu fleiri sem hafa efni á að taka þær sér til fyrirmyndar þ.e.a.s. láta hluta af auð sínum renna til góðra verka í samfélaginu.

Það kæmi mér ekki á óvrt þó þær væru komnar í dýrlingatölu í Hofsóss..........

Forsetinn tók skóflustungu á Hofsósi

Áhrif lofstslagsbreytinga á fiskveiðar

Mjög áhugaverð lesning að mínu mati og hvet ég alla þá sem áhuga hafa á umhverfismálum að skoða þetta vel.

Hvaða áhrif hafa loftslagsbreytingar á fiskistofna og fiskveiðar? Um þetta verður rætt á ráðstefnu sem haldin verður í Björgvin í Noregi dagana 17. og 18. Apríl. Ráðstefnugestir verða fulltrúar stjórnvalda, fiskveiðisamtaka og vísindamenn hvaðanæva að af Norðurlöndum og ESB-ríkjunum.
Rannsóknir hafa sýnt fram á að hitastig á jörðinni fer hækkandi. Á ráðstefnunni verður meðal annars rætt um áhrif hlýnandi loftslags og vatns frá líffræðilegu sjónarmiði, þ.e. þau áhrif sem þær geta haft á fiskistofna og dreifingu þeirra um heimshöfin.
Einnig verður rætt um samfélagsleg, efnahagsleg og pólitísk áhrif loftslagsbreytinga á fiskveiðar almennt.
Norska Hafrannsóknarstofnunin, í samstarfi við norska sjávarútvegsráðuneytið, Norrænu ráðherranefndina og Framkvæmdstjórn ESB, stendur fyrir ráðstefnunni. Helga Pedersen sjávarútvegsráðherra Noregs setur ráðstefnuna ásamt Halldóri Ásgrímssyni framkvæmdastjóra Norrænu ráðherranefndarinnar.

Krækja á síðu ráðstefnunnar: http://www.imr.no/aktuelt/konferanser/klimaendringer_fiskeriforvaltning

Fiskveiðasamstarf á Norðurlöndunum: http://www.norden.org/fisk/sk/index.asp?lang=1

Lágheiðin greiðfær

Þá er maður loksins komin heim eftir langan og strangan dag í litlu Reykjavík í dag. Við fórum þrjú af stað frá Sigló klukkan hálfsjö í morgun námskeiðið hófst klukkan níu og það var ekki búið að opna Lágheiðina. Námskeiðið var mjög gott og lærdómsríkt haldið í gamla húsi háskólans á Akureyri, fórum í hádegismat á nýja háskólasvæðið og þar var margt um manninn.

það sem vakti undrun mína var hvað heyrðist talað saman á mörgum tungumálum, umhverfið fékk á sig alþjóðlegan blæ og var gaman að upplifa það. Óhætt að segja að það hafi verið vor í lofti á staðnum og missti ég annarslagið athyglina frá fyrirlesaranum þegar maður sá mótorhjól bruna hjá.

En svo var komið að heimferð og var nú ákveðið að hringja í Vegagerðina og viti menn jájá við erum búin að opna Lágheiðina, ég trúði ekki mínum eigin eyrum þvílíkur munur og ég sá fram á að komast á blakæfingu á nánast réttum tíma, enda veitir ekki af að æfa mót á Ísafirði 1.maí get varla beðið eftir að komast vestur í menninguna og dýrðina sem þar er, og ekki síður að hitta allt það skemmtilega fólk sem maður hefur kynnst í gegnum blakið á undanförnum árum.

Ég ætla að nota tækifærið og þakka Vegargerðinni sérstaklega fyrir að vera búnir að opna heiðina og læt fylgja með slóða á myndir sem voru teknar á há heiðinni af bæjarstjóranum í Fjallabyggð Þóri Kr enda kallinn góður á myndavélinni.

http://picasaweb.google.com/siglufjordur01/LGheiIn

ps frétti að fólki sem er að vinna að vekefni í Ólafsfirði og það var ekkert að hangsa við hlutina rauk yfir í kvöldmatnum og vann sitt verk og var komið til baka rúmlega tíu, já það er ekki svo langt á milli bæjarhluta þegar Lágheiðin er fær................

 

Megrun fyrir karlmenn

þar sem ég verð staddur allan morgundaginn í litlu Reykjavík (Akureyri) og án tölvu þá vil ég deila þessum skemmtilega brandara sem ég fékk sendan áðan.

Megrun fyrir karlmenn

Maður hringir í fyrirtæki og pantar hjá þeim 'misstu 5 kg á 5 dögum' pakkann.

Daginn eftir er barið á dyrnar hjá honum og fyrir utan stendur íturvaxin 19 ára snót í engu nema Nike hlaupaskóm. Um hálsinn á henni hangir skilti sem á stendur 'Ef þú nærð mér, þá máttu eiga mig'.

Hann lætur ekki segja sér það tvisvar og stekkur á eftir henni. Eftir nokkra kílómetra er hann orðinn móður og másandi og gefst upp. Sama stúlkan mætir á þröskuldinn hjá honum næstu 4 dagana og það sama gerist í hvert skipti. Á fimmta degi vigtar félaginn sig, og viti menn, hann hefur misst 5 kg.

Hæstánægður með árangurinn hringir maðurinn aftur í fyrirtækið og pantar hjá þeim 'misstu 10kg á 5 dögum' pakkann.

Næsta dag er bankað á dyrnar og fyrir utan stendur einhver sú fallegasta og kynþokkafyllsta kona sem hann hefur á ævinni séð. Hún er eingöngu klædd í Reebok hlaupaskó. Um hálsinn á henni hangir skilti sem á stendur 'Ef þú nærð mér, þá máttu eiga mig'.

Eins og elding tekur hann á rás á eftir skvísunni. Hún er auðvitað í fantaformi og þó hann reyni sitt besta nær hann henni ekki. Næstu fjóra daga heldur þessi rútína áfram og hann kemst smám saman í betra form. Á fimmta degi vigtar hann sig og sér til ómældrar gleði hefur hann misst 10 kg.

Hann ákveður að leggja allt í sölurnar og hringir og pantar 'misstu 25 kg á 7 dögum' pakkann. 'Ertu alveg viss?'spyr sölumaðurinn ' Þetta er erfiðasta prógrammið okkar'

'Ekki spurning' svarar félaginn, 'mér hefur ekki liðið svona vel í mörg ár'.

Daginn eftir er barið á dyrnar, og þegar hann opnar stendur risastór,helmassaður karlmaður fyrir utan í engu nema bleikum hlaupaskóm.

Um hálsinn á honum hangir skilti sem á stendur 'Ef ég næ þér, er rassinná þér MINN!'

Félaginn missti 32 kg í þeirri viku.

Hún ropaði við eyrað á mér og vakti mig af værum draumi

Ég er að hjóla á Honduni minni (Shadow 1100) það er hásumar og fjöllin og náttúran í mikilli nálægð þetta er dásamlegt líf. Ég er rifinn úr þessum draumi með ekki neinu smá ropi ég trúi þessu ekki af hverju núna þegar ég er að hjóla og fýla náttúruna í botn.

Ropið eykst og ég glaðvakna þeim fjölgar þessum elskum skjannahvítar og svo fínlegar og mjúkar, "ómissandi  á jóladiskinn"hafa ákveðið að setjast í garðinn hjá mér og klukkan er ekki nema hálfsjö og það á sunnudagsmorgni, ég ligg í rúminu og hugsa með mér það hefði mátt fresta þessu þó ekki vær nema um klukkutíma þá hefði ég verið búin að hjóla meira og allir sáttir.

En þar sem ég ligg í rúminu glaðvaknaður þá byrjar þessi fallegi þrastasöngur og þá er ekki annað hægt en að fara brosandi á fætur og setja kaffi á könnuna og fagna sólríkum sunnudagsmorgni.

Svona er að vakna í kyrrðinni á Sigló, ekki amalegt það.

Fastur í skottinu / lokaðist í tengdamömmuboxinu

Þegar ég sá þessa frétt þá datt mér í hug sagan af manninum sem var að sannfæra konuna sína um að kaupa tengdamömmubox (farangurbox sem er sett á topp bifreiða) mér er ekki kunnugt um uppruna nafngiftar.

Sagan segir af manni sem var að kaupa svona tengdmömmubox og var að sannfæra konuna um að þetta væri alveg bráðnauðsynlegt að eiga. Hann fékk svona box lánað í verslun og fór með heim, rennir í hlaðið með þetta ferlíki á toppnum og flautar á frúnna. Hún kemur út og spyr strax hvaða box þetta sé á toppi fjölskyldubílsins? Elskan mín þetta er alveg magnað aukapláss fyrir allt draslið sem fylgir okkur alltaf þegar við erum að ferðast og nú verður nóg pláss í bílnum og allt draslið fer bara í boxið, en eins og við vitum sem eru giftir eða höfum verið það þá eru konur ekki almennt að kaupa svona skýringar,enda konur meira svona praktískari þegar kemur að aukahlutum og tækjum og tólum. Konan segir þá bíddu tilhvers er skottið á bílnum?

Okkar maður var nú ekki alveg á því að hætta það varð að kaupa svona box svo hann kippir þessu af toppi bílsins og leggur á jörðina opnar boxið og leggst í það "segir síðan sjáðu plássið kona það er ekkert smá sem má koma í svona box, lokaðu boxinu og sjáðu það er ekkert mál að geyma allskonar "drasl" í þessu.

þar sem að frúnni þótti sinn maður leggja mikið á sig þá gerir hún eins og um var beðið(í þetta skipti) og lokar."vola"okkar maður kemst leikandi fyrir og ekkert mál að vera í boxinu frúin heyrir í honum gegnum boxið og einhver samskipti fara fram og svo kemur að því að kallinn vill komast út.

En viti menn konan getur ekki opnað boxið, nú hugsa allir með sér konur og tæki ohhhh fer ekki alveg saman, jújú í þessu tilfelli hafði okkar maður verið með lyklana af boxinu í vasanum og þar af leiðandi gat frúin ekki opnað.

Frúin fer að skellihlæja og heyrist þessi hvelli hlátur inní boxið og okkar maður ekki kátur, orðinn andstuttur og súrefnið að skornum skammti enda helv´.. boxið svona þétt og vandað. Hann nær nú athygli konunnar og biður hana að hringja í búðina og fá þá til að koma og opna.Frúin kemst loksins í símann aðframkominn af hlátri, stynur upp erindinu og sölumaðurinn er kominn eftir skamma stund. Hann opnar boxið og okkar maður orðinn blár og þrútinn frelsinu feginn og gott að fá súrefni.

Skemmst er frá að segja að sölumaðurinn tók tengdamömmuboxið og málið ekki rætt neitt frekar. þannig að í dag þegar fjölskyldan fer í ferðalag þá fer allt "draslið"í skottið.

Fastur í skotti bifreiðar við Miklubraut