Sennilega hjartastopp og svo má æfa sig á Hermanni

Ekki auðvelt að vera Hermann í dag ;-) 

Hermann verður fluttur frá Landspítala Háskólasjúkrahúsi á morgun með sjúkrabifreið yfir á Háskólatorg. Flutningarnir munu verða strax upp úr hádegi og má reikna með ýmsum uppátækjum í Hermanni.

Eins og gefur að skilja má reikna með að slíkur flutningur reyni mjög á Hermann sem getur rétt eins þóst fá mikla verki og jafnvel að hann fái fyrir hjartað blessaður, segir Jón Örn Guðbjartsson, markaðs- og kynningarstjóri Háskóla Íslands. „Fari svo að hjartað í Hermanni stöðvist, sem er alveg eins líklegt, er sem betur fer hersing hjúkrunarfræðinga og lækna til staðar í Háskólatorgi vegna námskynningarinnar í Háskólanum á morgun," segir Jón Örn.

Hann segir að sjúkraflutningamennirnir séu líka sérmenntaðir til að glíma við bráðatilvik og muni þeir án efa sýna snör viðbrögð. „Ég hvet alla til að koma og fylgjast með því hvernig bráðaliðið mun í heild sinni bregðast við uppgerðinni í Hermanni, en hann leikur þetta svo vel blessaður að það lætur nærri að hann sé lifandi... og dauður," segir Jón Örn

Annars segir Jón Örn að á bak við Hermann búi talsverð alvara þótt það megi líka brosa af tilburðum hans. Hjúkrunarfræðideild Háskóla Íslands notar Hermann, sem er afar flókið tæki og eftirlíking af manni og/eða konu í fullri líkamsstærð, til að meðhöndla óteljandi sjúkdóma.

Kannski að gestir í HÍ á laugardag fái að æfa sig eilítið á Hermanni, hver veit.

 

Athugasemdir

[Hólmfríður Bjarnadóttir, 20.2.2009 kl. 22:46]

Það er frábært fyrir þá sem eru að vinna með líf okkar að hafa Hermann til að æfa sig á. Það skiptir svo miklu máli að þetta fólk sé í sem bestri þjálfun og svo gerir minna til að gera mistök við lífgun á Hermanni en okkur hinum.

Skorum á stjórnvöld að efna til stjórnlagaþings um endurskoðun stjórnarskrár og kosningareglna. Burt með gamaldags flokkaveldi.Nýtt lýðveldi  -  skrifa undir áskorun  HÉR