Leita í fréttum mbl.is

Börnin borga,,,

Ekki þykir mér það byrja vel hjá nýrri bæjarstjórn Fjallabyggðar, man ekki eftir því að þeir sem þar sitja lofuðu að svíkja kosningarloforðin eins og fulltrúar Besta flokksins gerðu.

22 desember 2010 var fjárhagsáætlun samþykkt samhljóða í bæjarstjórn. 

"Heildartekjur eru áætlaðar 1.616 m.kr. og þar af eru skatttekjur 885 m.kr. sem eru 54% af tekjum og framlag Jöfnunarsjóðs 230 m.kr. eða sem nemur 14% af tekjum.


Heildarútgjöld sveitarfélagsins eru áætluð 1.570 mkr. án fjármagnsliða. Þar af er launakostnaður 846 mkr. sem er 52% af tekjum.
Rekstrarniðurstaða fjárhagsáætlunar Fjallabyggðar fyrir árið 2011 vegna A hluta sveitarsjóðs er jákvæð upp á 39 mkr.

Fjármagnsgjöld eru hærri en fjármunatekjur sem nemur 34 mkr. og er rekstrarniðurstaða samstæðunnar jákvæð að fjárhæð 11 mkr. (0,7% af tekjum).

Veltufé frá rekstri er áætlað 165 mkr. sem gerir 10,2% af tekjum.

Í þessari áætlun er gert ráð fyrir framkvæmdum upp á 100 mkr.
Gert ráð fyrir nýjum lántökum á árinu fyrir 20 mkr.
Hins vegar mun sveitarfélagið greiða niður skuldir um 83 mkr.

Handbært fé í árslok 2011 er áætlað 156 mkr." www.fjallabyggd.is

Nú er verið að gefa út gjaldskrár, það sem vekur mesta furðu mína er að það á að fara að rukka börn 8-15 ára í sund sem áður var frítt og talin góð forvörn tala nú ekki um ágætis búbót fyrir barnafjölskyldur. Það er sorglegt að byrjað er að ráðast á barnafjölskyldur sem átti að standa vörð um samkvæmt kosningarloforðum. Fróðlegt væri að heyra hvað þessi árás á barnafjölskyldurnar skili miklu í bæjarkassann. Er aukin hækkun gjaldskráa og þar af leiðandi aukin álagning á barnafjölskyldurnar í Fjallabyggð það sem fólk þarf ofan í allar aðrar skattapíningar sem herja á landanum? 

 


Niðurrif

Þá er komið að því sem að ég og margir aðrir óttuðumst þegar Síldarvinnslan keypti SR-Mjöl að verksmiðjunni á Siglufirði yrði lokað og tæki og tól seld til niðurrifs.

Þetta er mjög mikið áfall bæði fjárhagslegt og tilfinningalegt fyrir Siglufjörð og bæjarbúa. Þær eru ófáar krónurnar sem bræðslan skaffaði í bæinn tekjur hafnarinnar voru ævintýralegar þegar mest gafst og tekjur starfsmanna góðar.

Ég var svo heppinn að starfa hjá Síldarverksmiðjum ríkisins og síðar SR-Mjöl þegar bræðsla stóð yfir, þetta var oft mikil vinna langar vaktir en tekjurnar góðar og samstarfmennirnir skemmtilegir.Ég ætla ekki að rifja upp sögu ”bræðslu” í Siglufirði við sem ólumst upp á staðnum munum eftir peningalyktinni reykinn lagði ekki ósjaldan yfir skólalóðina og inní kennslustofur og mörgum varð óglatt en þetta var vinna og það þýddi tekjur fyrir allt og alla enda bara talað um ,,peningalykt’’ 

Það sem mér sárnar einna merst er að það segir enginn neitt forsvarsmenn sveitarfélagsins sjá ekki sóma sinn í að bóka þó ekki væri nema að þeir ”hörmuðu” í hverslags aðstæður mál væru komin. Fólkið sem sem talaði um atvinnu uppbyggingu og fjölskyldurnar í kosninga  örmyndinni sem var sl vor. Í dag er raunin sú að atvinnu og markaðsfulltrúinn sem var í 50% starfi er hættur og enginn tekið hans starf. Það kom kannski líka berlega í ljós í október þegar göngin voru vígð. Fjallabyggð varð að aðhlátursefni, kaldvatnið tekið af í Siglufirði á sunnudeginum og helgina eftir komu gestir víða að lokuðum dyrum.

Það er starfandi atvinnu og ferðamálanefnd sem hefur haldið heila fjóra fundi frá því í júní 2010 ekki hefur hún heldur ályktað um þetta. Er ekki nauðsynlegt að sveitarfélagið hafi starfsmann sem sé tengiliður milli atvinnulífsins og stjórnsýslunnar? Ferðamennska er líka atvinna, það er mikil gróska og uppbygging í ferðamennsku í Fjallabyggð og er það vel.  

Ég stóð fyrir undirskriftasöfnun 2007 þar sem skorða var á Síldarvinnsluna að hefja aftur vinnslu í verksmiðjunni sem var ein sú fullkomnasta og afkasta mesta á landinu og skrifuðu 230 nafn sitt á listann sem var afhentur verksmiðjustjóra sem þá var áður hafði bæjarstjórn falið bæjarstjóra að skrifa framkvæmdastjóra Síldarvinnslunnar og óska eftir upplýsingum um áframhaldandi starfsemi þeirra á staðnum.

 Nú er það staðreynd að verksmiðjan er komin í eigu Spánverja og stendur yfir niðurrif á tólum og tækjum sem verða svo sett upp annarstaðar. Tími gamla bræðsluveldisins er endanlega liðinn. Eftir stendur í Siglufirði veglegt safn um sögu tól og tæki, við lifum orðið á forni frægð svona rétt eins og knattspyrnufélagið Liverpool.

Innantóm loforð

Ágætu lesendur.

Á endaspretti þessa árs þá langar mig að rifja upp hvað ríkisstjórnin ætlar sér að gera meðal annars í atvinnumálum en eftirfarandi er úr samstarfssamningi ríkisstjórnaflokkanna “Meginverkefni ríkisstjórnarinnar í atvinnumálum verður að draga úr atvinnuleysi með markvissum aðgerðum, útrýma langtímaatvinnuleysi og skapa traustari grundvöll fyrir íslenskt atvinnulíf til framtíðar. Áhersla verður lögð á fjölbreytt atvinnulíf, jafnan en stöðugan hagvöxt, nýsköpun og sjálfbæra nýtingu til lands og sjávar. Brýnt er að verja störf samhliða því sem gripið verði til aðgerða til að störfum fjölgi.”

Hljómar vel ekki satt? Ég hef því miður aðra sögu að segja og snýr að verkefni sem ég ásamt öðrum hef unnið að í nokkurn tíma. Það hefur ekki skort á loforðin þar heldur en einhverra hluta vegna þá gerist allt á hraða snigilsins og veltir maður því fyrir sér af hverju svo er? Eins og við sem eldri eru en tveggja vetra vitum þá hægir á okkur eftir því sem við eldumst, ég velti því fyrir mér hvort að þeir sem þjóðarskútunni stýra eru orðin of gömul og lúin? Þegar ég heyri lagið um hann "sorry gamla grána" þá kemur upp í huga mér mynd af stýrimönnum þjóðarskútunnar það er bara eitthvað sem gerist og ég fæ engu um ráðið.

Ágætu lesendur mínar bestu óskir um gleðilegt nýtt ár.


Þjóðar atkvæðagreiðslu

Er það alfarið í höndum borgarstjóra geimverunnar að taka ákvörðun um staðsetningu flugvallarins? Getur verið að geimveran átti sig ekki á að höfuðborgin sem fær stórann hluta útsvarstekna og fleiri gjalda af þeirri þjónustu sem landsmenn allir þurfa að sækja til höfuðborgarinnar? Vill geimveran kannski líka losna við háskóla sjúkrahús, sjávarútvegsráðuneytið ofl ofl? Er kannski kominn tími uppstokkunar á staðsetningu ríkisstofnana? Þau eru nokkur sveitarfélögin sem hafa lýst yfir áhuga á að hýsa áður nefndar stofnanir og fleiri til.
mbl.is „Flugvöllurinn verður hér til 2024“
Tilkynna um óviðeigandi tengingu við frétt

Leiðtoginn,,,

Eftir því sem ég sé forsætisráðherra oftar í sjónvarpi en það er eini vettvangurinn sem ég get litið hana augum þar sem ég bý ekki í 101 heldur norður í landi þá sýnist mér á öllu að ráðherrann er þreyttur. Það er svo sem ekki von enda álagið á henni og öðru því fólki sem vinnur á Alþingi mjög mikið.

Ég velti líka fyrir mér hvort að ráðherra ráði við verkefnið ráðherrann er jú komin nálægt sjötugu, ekki það að ég sé að gera lítið úr eldra fólki það er af og frá. Verkefnið finnst mér þess eðlis að það þarf fullfríska og nánast ofur manneskju til að valda því. Mér finnst það varla leggjandi á eldriborgara.

Svo er önnur hlið á þessu öllu saman en hún er sú hvort að á sem lengst hefur starfað á Alþingi er hann í takti við atvinnulífið og fólkið í landinu, ja ég get vitnað um það að núverandi forsætisráðherra hefur ekki heimsótt mitt sveitarfélag svo mánuðum skipti, en það er kannski ekki nauðsynlegt að mati ráðherra þetta er svo fámennt byggðalag.

Oft er talað um að fólk verði samdauna sínu umhverfi og einangrist getur verið að svo sé í tilfelli forsætisráðherra? Síðast þegar hún var á almennum vinnumarkaði sem flugfreyja þá voru  DC-8- þotur aðal vélar flugflotans og þá hét félagið Loftleiðir. 

Tekið af vef Alþingis "Jóhanna Sigurðardóttir forsætisráðherra.Flugfreyja hjá Loftleiðum 1962-1971. Skrifstofumaður í Kassagerð Reykjavíkur 1971-1978. "

Þá voru líka að koma til sögunar tölvur tekið af vef Skýrslutæknifélag Íslands.

 

- “Einmenningstölva” í flokki IBM miðtölva -

Árið 1975 setur IBM á markaðinn nýja tölvu,

IBM System/32

, sem markar mikil tímamót.

Henni var svo lýst í grein í Morgunblaðinu 6. júlí 1975:

Þessi nýja tölva er á stærð við meðalstórt skrifborð. Fyrir rúmum áratug fyllti slík tölva stórt herbergi.

Á disklingi sem hægt er að lesa inn í tölvuna rúmast jafn miklar upplýsingar og á 3000 gataspjöldum.

Fyrirferðarlitlir innbyggðir diskar tölvunnar geta verið frá 5 milljón stafa og allt að 9 milljón

stafa. Prentari tölvunnar skrifar um 100 línur á mínútu. Stjórnandi tölvunnar vinnur við venjulegt

vélritunarborð og fylgist með á litlum sjónvarpsskermi.

Tímamótin fólust í því að nú var komin fram á sjónarsviðið tölva sem allflest fyrirtæki réðu mjög

auðveldlega við að fjárfesta í. Við þetta má segja að orðið hafi sprenging í fjölgun og notkun

tölva hér á landi."

Eins og sjá má þá hefur margt breyst frá því forsætisráðherra var á almennum vinnumarkaði. En þetta skiptir kannski engu máli ráðherra hefur senilega "updatað" sig...


Byggjum upp aðstöðuna í Skarðinu,,,

Með tilkomu Héðinsfjarðargangna þá er gert ráð fyrir aukinni aðsókn í skíðaparadísina í Skarðinu. Ljóst er að Eyjafjarðarsvæðið og Tröllaskagi bjóða uppá einstakt skíðasvæði sem nær frá Grenivík í austri til Siglufjarðar í vestri. Í boði eru misjöfn svæði og allri geta fundið eitthvað við sitt hæfi. Nú velti ég því fyrir mér hvort að ekki verði einn aðgöngumiði sem gildir á öll svæðin, staðreyndin er sú að á Akureyri er önnur afþreying t.d leikhús, bíó fjölbreytt úrval veitingastaða og mikið framboð af gistirými. Nú er ekki svo að hinir staðirnir hafi ekki líka eitthvað að bjóða í afþreyingu matsölustöðum og gistingu þeir hafa það að sjálfsögðu bara í minna minna mæli.

Á laugardaginn síðasta þá var ég staddur á Dalvík og tók þar þátt í vígslumóti hjá blakklúbbnum, en það var verið að taka í notkun glæsilegt íþróttahús til hamingju með það Dalvíkurbyggð. Nú er að ljúka uppbyggingu glæsilegs sundlaugasvæðis í Ólafsfirði eða austurbæ Fjallabyggðar og þegar því er lokið er komin mjög góð aðstaða og frábær afþreying fyrir börn og fullorðna. Næsta skref hjá Fjallabyggð ætti að vera að byggja upp aðstöðu fyrir skíðafólk í Skarðinu, það er ekki nóg að hafa þrjár lyftur ef aðstaðan er svo nánast engin. Á öllu þessu svæði eru tvö salerni og það í þjónustuskálanum sem er svo lítill að aðeins örfáir komast það fyrir. Nú þegar liggur fyrir skýrsla sem fyrri sveitastjórn lét gera varðandi uppbyggingu svæðisins og ætti ekki að vera flókið að koma þeirri vinnu sem til þarf í gang. Ef áhugi núverandi sveitastjórnar er á málinu þarf að koma þessu verkefni inní gerð fjárhagsáætlunar og hefjast handa við uppbyggingu ekki seinna en vorið 2011. Ef á að byggja upp á ferðamennsku þá hlýtur þetta að vera mikilvægur þáttur í þeirri framkvæmd. Ég ætla ekki að eiða orðum á þá hugmynd já og undirskriftalista vegna byggingu nýrrar líkamsræktarstöðvar í Ólafsfirði,  það er nýleg líkamsræktarstöð í íþróttamiðstöðinni á Siglufirði sem allir íbúar og gestir hafa aðgang að. Hvort að sú framkvæmd var skynsöm eða ekki er svo annað mál en þetta er það sem búið er að gera og verður ekki aftur tekið. Hefjum uppbyggingu á skíðasvæðinu í Skarðinu og gerum það með sóma.


Landsbyggðina ætti að leggja niður,,,,,,

Eitthvað á þessa leið þætti mér eðlilegast að núverandi ríkisstjórn ætti að gefa út. Þau skilaboð hafa komið frá Norrænu velferðarstjórninni að niðurskurður í heilbrigðisgeiranum skuli fara að mestu fram hjá þeim sem fjærstir eru höfuðstað kreppunnar þeas stór Reykjavíkursvæðinu. Það er ótrúlegt að verða vitni að því að nokkrir embættismenn sem kunna á exel skulu komast upp með það að setja fram annað eins rugl í niðurskurði á heilbrigðissviðinu. Vinnubrögðin eru sér liður og að hlusta svo á ráðherra tala um samstarf til þess að leysa vandann. Eru ekki orð til alls fyrst en ekki exel skjal?

sjá www.siglfirdingur.is en í gær fór fram borgarafundur á Siglufirði vegna skerðingar á Heilbrigðisstofnun Fjallabyggðar.

 


Forsætis og fjármálaráðherra hafa verið launþegar Alþingis samanlagt í 57 ár

Þegar talað er um sátt og sáttalausnir nýja Ísland og ný vinnubrögð á þessum erfiðu tímum þá hlýtur maður  að velta fyrir sér hvort að þeir sem setið hafa svona lengi við kjötkatlanna eru réttu aðilarnir í þau verkefni? Er ekki talað um að maður verði samdauna sínu umhverfi? Ég velti því fyrir mér hvort að þeir sem hafa svona langa reynslu hafi þá víðsýni og vilja til að breyta hlutunum? Er ekki líka talað um að eftir því sem maður eldist verði hlutirnir í fastari skorðum. Ég kom til vinnu á gamall gróinn og  góðan vinnustað fyrir nokkrum árum og viti menn þar voru starfsmenn með 25 - 30 ára starfsreynslu gott og vel, þannig vinna alltaf svipuð framleiðsla. En svo gerist það að það verður til ný deild við fyrirtækið og hvað gerist þá? Jú þeir sem höfðu unnið þarna sem lengst "áttu" sín bílastæði og höfðu lagt þarna í 25 - 30 ár og að ætlast til þess að menn færu að leggja bílum sínum annarstaðar það var nánast glæpur. En sem betur fer þá höfðust breytingar í gegn eftir að menn ræddu málin og sáu þá að þeir tepptu aðgang að eigin þjónustufyrirtæki og jú það var nú svo að þetta var þeirra hagur að fólk hefði greiðan aðgang að öllum deildum fyrirtækisins. Og svo var ekki eins og það þyrfti að leggja langt frá fyrri lögn nei ekki nema 20 metrar eða svo. En svona verður þetta oft eftir því sem maður dvelur lengur á sama stað þá verður maður samdauna sínu umhverfi tekur illa breytingum og verður blindur á einfaldar lausnir.


Fjallabyggð við tökum vel á móti þér/ eða hvað?

Helgina 2. -3. október 2010 var mikil hátíð í Fjallabyggð Héðinsfjarðargöng voru vígð og sveitarfélagið bauð í kaffi og meðlæti. Það var mikill fjöldi samankominn í Fjallabyggð þessa helgi enda mikið um að vera og eftirvæntingin að fara í gegnum Héðinsfjarðargöng mjög mikil. Í Héðinsfirði var áætlað að við vígsluna hafi verið um tvö þúsund manns og fjöldi þeirra sem fóru í kaffiboðið í íþróttahúsið í Ólafsfirði var hreint ævintýralegur. Þetta gekk alveg ágætlega fyrir sig og hef ég ekki heyrt annað en allir hafi fengið að smakka á kræsingunum, sumir kannski meira en aðrir en er það ekki alltaf svo?

Mikil gleði var í báðum bæjarhlutum austur og vesturbæ veitingastaðir opnir og fjöldinn allur af fólki að gera sér glaðan dag. Á sunnudeginum var umferðaþunginn mikill bíll við bíl allan daginn enda veðrið með því besta sem hægt er að hugsa sér það var eins og góður sumardagur.

Siglfirðingar hafa í gegnum tíðina þótt höfðingjar heim að sækja og gestrisnir með eindæmum. Á sunnudeginum þegar sveitarfélagið býður heim og fjöldi gesta mjög mikill þá ákveða einhverjir bæjarstarfsmenn að taka af kalda vatnið af bænum um morguninn og fram eftir degi.  Já og það á sunnudeginum sem er fyrsti dagur eftir opnun gangnanna og eins og áður segir bærinn smekkfullur af gestum. Þetta þýddi það að það var ekki hægt að hleypa niður úr klósettum og sundlaugin lokuð ekkert kalt vatn. 

Nú veltir maður því fyrir sér hvað veldur því að þessi tiltekni sunnudagur er valinn til þess að taka kalda vatnið af bænum?

Helgina eftir er sama blíðan og stöðugur straumur í gegnum göngin ekki reyndist hægt að leigja þau undir spjótkast eða keilu eins og Spaugstofumenn létu í veðri vaka í sínum fyrsta þætti á stöð 2.

En hvað gerist þá jú tvö mjög vinsæl veitinga og kaffihús Hannes Boy og Harbor Café eru lokuð. Fólk vafraði um bryggjusvæðið sem er orðið hið huggulegasta og tóku á dyrahúnum en allt kom fyrir ekki það er LOKAÐ. Einhverjir fóru og fengu sér kaffi á Torginu og Allanum en bakaríið var líka LOKAÐ. Bensínstöð Olís var hinsvegar opin og var mér sagt að í gær sunnudag þá hafi verið 20 mín bið eftir kaffi slíkt var álagið. http://www.sksiglo.is/is/news/i_sol_og_sumaryl_2

Já Olís vinur við veginn stóð alveg undir merkjum í gær í það minnsta. Ég fékk símtöl frá gestum sem voru að koma til Siglufjarðar í heimsókn og skoða göngin og Héðinsfjörð í fyrsta skipti og ætla ég ekki að hafa eftir þau orð sem fólkið viðhafði varðandi opnun á veitingastöðum og bakaríi. í framhaldi af þessum uppákomum þá velti ég því fyrir mér hvort að þetta sé það sem koma skal. Og sveitarfélagið geti breytt um slagorð?  

Fjallabyggð við viljum ekki gesti.


Héðinsfjarðargöng vígð

 Nú, þann 2. október, verður hátíð í Fjallabyggð vegna vígslu  Héðinsfjarðarganga. Þá opnast göng milli Ólafsfjarðar og Héðinsfjarðar, 6,9 km löng og önnur milli Siglufjarðar og Héðinsfjarðar 3,7 km. Verkið var unnið af Háfelli og tékkneska verktakafyrirtækinu Metrostav. Á sínum tíma voru samgöngur til Ólafsfjarðar og Siglufjarðar torsóttar. Úrbót varð árið 1967 þegar Strákagöng voru opnuð til Siglufjarðar og árið 1990 þegar göng um Ólafsfjarðarmúla voru tekin í notkun. Nú sér fyrir endann á tengingu þessara tveggja byggðakjarna. Mikil breyting verður á því í framtíðinni þurfa íbúar Fjallabyggðar ekki að reiða sig á Lágheiðina sem á það til að vera ófær eða torsótt stóran hluta vetrar.  

Mikilvæg samgöngubót

Nýju Héðinsfjarðargöngin munu hafa afgerandi jákvæð áhrif á samfélagið í Fjallabyggð og voru í reynd forsenda þess að fyrrum sveitarfélög á svæðinu sameinuðust í eitt. Sú sameining hefur gengið vel fyrir sig en mun nú nýtast að fullu þegar göngin opna. Jarðgöngin munu einnig efla þéttbýliskjarnana við Eyjafjörð því með göngunum verður til samfellt atvinnusvæði sem nær frá Akureyri til Siglufjarðar með ríflega 20 þúsund íbúum. Það getur meðal annars leitt til fjölbreyttari starfa, minna atvinnuleysis, hærri launa, lægra vöruverðs og fjölbreyttari verslunar og þjónustu. Auk þess skapast margvísleg ný tækifæri í ferðaþjónustu á Norðurlandi. Ólafsfjörður og Siglufjörður hafa um langt skeið þurft að glíma við hnignun í frumframleiðslu og umtalsverða fólksfækkun sem dregið hefur úr lífsgæðum á svæðinu. Með göngunum verður þessari þróun vonandi snúið við og er það ein meginröksemdin fyrir fjárfestingunni sem í þeim felast.

 Rannsókn á samgöngum og byggðaþróun

Háskólinn á Akureyri hefur unnið að rannsóknarverkefninu Samgöngubætur og byggðaþróun: Félagsleg, efnahagsleg og menningarleg áhrif Héðinsfjarðarganga á mannlíf á norðanverðum Tröllaskaga. Verkefninu er ætlað að leggja heildstætt mat á stöðu Fjallabyggðar og þær breytingar sem vænta má á samgöngumynstri, búsetuþróun, efnahagslífi, opinberri þjónustu og félagslegum auð í kjölfar opnunar ganganna. Jafnframt er verkefninu ætlað að styrkja fræðilegan grundvöll fyrir mati á samfélagslegum áhrifum jarðgangagerðar á landinu almennt. Rannsóknin hófst haustið 2008 og er áætlað að hún standi til ársloka 2012. Hún er unnin með tilstyrk Rannsóknasjóðs Vegagerðarinnar sem veitti styrk til hennar árin 2009 og 2010. Tólf kennarar og sérfræðingar við Háskólann á Akureyri hafa jafnframt tekið virkan þátt í rannsókninni. Þóroddur Bjarnason, prófessor í félagsfræði, átti frumkvæði að rannsókninni og hefur stýrt henni frá upphafi. 

Eljusamir frumherjar

 Árið 1990 lagði frumherjinn Sverrir Sveinsson, Framsóknarflokki, fyrst fram þingsályktunartillögu á Alþingi um jarðgöng milli Ólafsfjarðar og Siglufjarðar í framhaldi af opnun jarðganga um Ólafsfjarðarmúla. Meðflutningsmenn Sverris að tillögunni voru Halldór Blöndal, Jón Sæmundur Sigurjónsson, Jóhannes Geir Sigurgeirsson, Ragnar Arnalds, Árni Gunnarsson og Pálmi Jónsson. Hafa þessir menn alla tíð stutt göngin af eljusemi. Þótt á engan sé hallað skal einnig nefnt að tveir menn, þeir Halldór Ásgrímsson og Davíð Oddsson, áttu afgerandi þátt í að verkið varð að veruleika. Samgönguráðherrarnir Sturla Böðvarsson og Kristján L. Möller hafa einnig lagt sitt lóð á vogarskálarnar ásamt heimamönnum. Nú er að rætast stór draumur. Mikil tilhlökkun er í heimamönnum að fá almennilegar samgöngubætur á milli þessara svæða sem og þann hring sem opnast á Norðurlandi. Siglufjörður og Ólafsfjörður eru ekki lengur endastöð.    

Hermann Einarsson, fyrrum bæjarfulltrúi í Fjallabyggð


Næsta síða »

Höfundur

Hermann Einarsson
Hermann Einarsson

Áhugamaður um allt milli himins og helvítis

 

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband